+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qaraǵandy oblysynda aqylynda kemistigi bar adamdy boıap tastaǵandar ustaldy

2020 jylǵy 6 shilde 14:03
Bólisińiz:
Qaraǵandy oblysynda aqylynda kemistigi bar adamdy boıap tastaǵandar ustaldy

QARAǴANDY. QazAqparat – Qaraǵandyda polıtsııa qyzmetkerleri aqyl-esinde kemistigi bar jigitti qara tústi boıaýmen bastan-aıaq boıap tastaǵan eki kúdiktini ustady, dep habarlaıdy QazAqparat tilshisi.

Polıtsııa qyzmetkerleri jedel-izdestirý sharasy barysynda Qaraǵandy qalasynyń 24 jastaǵy eki turǵynyn anyqtady. Olar bul jigitti burynnan biletinderin jetkizdi. Kúdiktilerdiń aıtýynsha, oǵan únemi aqsha, kıim-keshek berip kómektesedi eken. Sol kúni zardap shegýshi olardan boıaý surap kelgen soń, «suraǵanyn berdik» deıdi. Biraz ýaqyttan keıin ol qaıta kelip, denesin ózi boıap alǵan-mys.

Esterińizge sala keteıik, 2 shilde kúni áleýmettik jelilerge monıtorıng barysynda polıtseıler Instagram-da vıdeony kórgen. Onda kólik júrgizýshisi basynan aıaǵyna deıin qara túske boıalǵan jigitti toqtatyp, mán-jaıdy surastyrady. Jeli paıdalanýshylary psıhıkalyq naýqas adamdy qorlaýǵa qatysty narazylyqtaryn bildirdi.

Sol kúni saǵat 01.00-de Qaraǵandy qalalyq polıtsııa basqarmasy JBO Kırov polıtsııa bóliminiń kezekshi bólimine Popov kóshesinde kıimi jáne aıaq-kıimi joq er adam jol boıyna shyǵyp, júgirip júrgeni týraly habarlama túsken.

«Oqıǵa ornyna kelgennen keıin patrýldik polıtsııa polkiniń qyzmetkerleri atalmysh faktini rastady. Tártip saqshylary denesi túgel qara boıaýmen boıalǵan 22 jastaǵy qala turǵynyn anyqtady. Jas jigittiń aıtýy boıynsha, oǵan 500 teńge tólep, boıap tastaǵan. Jigittiń óziniń de is-qımyly beı-bereketsiz bolǵan. Derekter bazasyn tekserý kezinde onyń oblystyq psıhonevrologııalyq dıspanserde esepte turǵany anyqtaldy. Sodan keıin oqıǵa ornyna dárigerler shaqyrylyp, ol aýrýhanaǵa jatqyzyldy», - dep habarlady Qaraǵandy oblysy Polıtsııa departamentiniń baspasóz qyzmetinen.

Materıal QR QK 293-baby 2-bóligi «Bir top adam jasaǵan buzaqylyq» boıynsha sotqa deıingi tergeýdiń biryńǵaı tizilimine tirkelgen. Tergeý jalǵasýda.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT