+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qaraǵandy oblysynda 74 ekonomıkalyq qylmys anyqtaldy

2020 jylǵy 30 maýsym 02:55
Bólisińiz:
Qaraǵandy oblysynda 74 ekonomıkalyq qylmys anyqtaldy

QARAǴANDY. QazAqparat – Qaraǵandy oblysynda jalǵan shetel valıýtasyn satýǵa qatysty qylmystyq is ashyldy. 500 eýro turatyn jalǵan aqsha shet elderde jasalǵany anyqtaldy. Oıyn bıznesi salasyndaǵy qylmystyq top Jezqazǵanda jáne Sátbaev qalasynda ustaldy, dep habarlaıdy QazAqparat tilshisi.

Oblys ákimdiginde ótken apparattyq keńeste kóleńkeli ekonomıkaǵa qarsy is-qımyldyń osy jáne basqa da faktileri belgili boldy. Ekonomıkalyq qylmystarmen kúresti kúsheıtý máselesi onlaın rejımde talqylandy.

Ekonomıkalyq tergeý departamentiniń basshysy Danııar Aqjanovtyń aıtýynsha, kóleńkeli ekonomıkany tómendetý, bıznesti qorǵaý jáne sybaılas jemqorlyqqa qarsy is-qımyl jónindegi 2020 jylǵa arnalǵan Jol kartasy jumys isteýde. Alty negizgi basymdyqtar anyqtalǵan:

«Aınalymdy toqtat» (qolma-qol aqshaǵa aınaldyrý jáne salyq tóleýden jaltarý);

«Kazıno» (zańsyz oıyn bıznesi);

«Qazyna» (Bıýdjet qarajatyn urlaý);

«Kýrer» (kontrabanda);

«Abaılańyz: jalǵan aqsha!»(jalǵan aqsha jasaý);

«Barrel» (munaı jáne munaı ónimderiniń zańsyz aınalymy).

Ótken jyly Qaraǵandy oblysynda bankterdegi aqshany qolma-qol aqshaǵa aınaldyrý kólemi tómendedi, dep habarlady Danııar Aqjanov. Jalǵan shot-faktýralardy shyǵarýmen aınalysatyn alty UQT qyzmetiniń joly kesildi.

«Ótken aıda oblystyq UQKD kómegimen qylmystyq top joıyldy, ol 2018 jylǵy qańtardan bastap 2020 jylǵy mamyrǵa deıin Jezqazǵan men Sátbaev qalalarynda zańsyz oıyn bıznesin júrgizgen. Úsh kúdikti qamaýǵa alyndy, tergeý júrgizilýde. «Abaılańyz: jalǵan aqsha!« mamyr aıynda elimizdiń ár óńirinde 500 eýro turatyn jalǵan kýpıýralardy ótkizýdiń kóptegen faktileri boıynsha qylmystyq istiń 25 epızody sotqa jiberildi», - dedi departament basshysy.

Budan basqa, B2B Jewelry qarjy pıramıdasyn uıymdastyrýshylardyń qyzmeti toqtatyldy. Qylmystyq is Almatyda tergeletin bolady.

Departamenttiń aqparaty boıynsha, 2020 jyldyń basynan beri Qaraǵandy oblysynda ekonomıkalyq qylmystar boıynsha 74 qylmystyq is tirkelgen.

Memlekettik kirister departamentiniń málimeti boıynsha, sońǵy úsh jylda kóleńkeden 1 300-den astam tirkeýde joq kásipker shyǵaryldy. 63 myń lıtr kóleminde alkogoldi, 11 myń qorap temeki ónimderin, 503 554 lıtr munaı ónimderin zańsyz satýdyń joly kesildi.

Oblys ákimi Jeńis Qasymbek kóleńkeli ekonomıkamen kúres boıynsha óńirlik jospar ázirleýdi tapsyrdy.

«Sońǵy úsh jylda belgili bir úrdister bar. Biraq kóleńkeli ekonomıkanyń úlesi joǵary bolyp qalýda - shamamen 25%. Sharalardy kúsheıtý qajet. Eńbek qatynastary máselelerin qamtyńyzdar. Konvertterdegi jalaqy áli de bar ekenin moıyndaý kerek. Másele ózekti. Júıeli tásil qajet», - dep túıindedi Jeńis Qasymbek.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT