Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.34 EUR 427.25
RUB 5.88 CNY 54.57
Jańalyqtar

Qaraǵandy oblysynda 65 naýqastardy qoldaý qyzmeti jumys isteıdi

2019 jylǵy 22 shilde 14:38 220
Bólisińiz:
Qaraǵandy oblysynda 65 naýqastardy qoldaý qyzmeti jumys isteıdi

QARAǴANDY. QazAqparat - Qaraǵandy oblysyndaǵy árbir densaýlyq saqtaý uıymynda naýqastardy qoldaý jáne ishki baqylaý qyzmeti jumys isteıdi, dep habarlaıdy QazAqparat oblys ákiminiń baspasóz qyzmetine silteme jasap.

Atalmysh qyzmet 2014 jyly densaýlyq saqtaý salasynda adam quqyqtaryn qorǵaý maqsatynda quryldy. Mamandar naýqastarǵa sapaly qyzmet pen medıtsınalyq kómek kórsetýdegi kemshilikterdi anyqtaýmen aınalysady. Qoldaý qyzmetiniń kómegine suraqtary, usynystary nemese qandaı da bir máseleleri bar kez kelgen adam júgine alady. Anonımdi shaǵymdar qaralmaıdy - mamanǵa ózińizdiń jeke málimetterińizdi, baılanys telefonyńyzdy kórsetýmen naqty máseleni baıandap berýińiz kerek.

Qaýyrt jelige naýqastyń ózi nemese onyń zańdy ókili qońyraý shala alady.

Naýqastardy qoldaý qyzmetine eger sizde kelesideı jaǵdaılar bolsa júginýge bolady: kórsetilgen medıtsınalyq kómekke kóńilińiz tolmasa; medıtsınalyq qyzmetker dóreki qylyq kórsetse; kepildendirilgen tegin medıtsınalyq kómek kólemi aıasynda medıtsınalyq qyzmetter úshin aqsha talap etilse; eger sizge keńes qajet bolsa.

Eske sala keteıik, 2018 jyldyń 18 qyrkúıegindegi QR «Halyq densaýlyǵy jáne densaýlyq saqtaý júıesi» týraly kodekstiń 58-babyna saı, ishki saraptama jasaý úshin medıtsınalyq uıymda naýqastardy qoldaý jáne ishki baqylaý qyzmeti qurylady. Atalmysh qyzmet qurylymy men quramyn kórsetiletin medıtsınalyq qyzmet kólemine saı uıym jetekshisi bekitedi.

Naýqastardy qoldaý jáne ishki baqylaý qyzmeti kórsetiletin medıtsınalyq kómekterdi, medıtsınalyq uıymnyń klınıkalyq qyzmetin, medıtsınalyq kómekterge kórsetýdegi jiberilgen tártip buzýshylyqtardy saralap, emdelip jatqan naýqastyń ótinishin bes jumys kúni ishinde qaraýdy qadaǵalaıdy. Júrgizilgen aýdıt qorytyndysy boıynsha ishki baqylaý qyzmeti anyqtalǵan olqylyqtardy retke keltirý úshin medıtsınalyq uıym jetekshisine usynystardy jiberedi.







Bizdiń kanalymyzǵa jazylyńyz:

Basty sózder: Medıtsına, Qaraǵandy oblysy,
Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT