Qaraǵandy oblysynda 40 myń turǵyn jumyspen qamtylady
2022 jylǵy 22 mamyr 05:01

Qaraǵandy oblysynda 40 myń turǵyn jumyspen qamtylady

QARAǴANDY. QazAqparat – Qaraǵandy oblysynda bıyl 41 myń adam jumyspen qamtylmaq, dep habarlaıdy QazAqparat tilshisi.

2021–2025 jyldarǵa arnalǵan kásipkerlikti damytý jónindegi ulttyq joba aıasynda 41 myń adam jumyspen qamtylady. Óńirdiń jumyssyz turǵyndary «Jastar tájirıbesi», «Alǵashqy jumys orny», «Urpaqtar kelisimsharty» jobalaryn paıdalana alady.

«Jastar tájirıbesi» jobasyna kolledjder men joǵary oqý oryndarynyń 29 jastan aspaǵan túlekteri qatysa alady. Bıyl osy baǵdarlama boıynsha 721 adamdy jumysqa ornalastyrý josparlanýda.

Jastar tájirıbesinen ótý uzaqtyǵy 12 aıǵa deıin sozylady. Sondaı-aq 30 AEK mólsherinde jalaqy esepteledi.

«Birinshi jumys orny» jobasyna jumys tájirıbesi joq túlekter nemese halyqty jumyspen qamtý ortalyqtarynda tirkelýine qaramastan jumyssyzdar, sondaı-aq NEET sanatyndaǵy 29 jastan aspaǵan jastar qatysa alady.

«Bul rette jobaǵa qatysýshylar 18 aı ishinde memleketten 30 AEK mólsherinde sýbsıdııalanǵan jalaqy alatyn bolady. Jyl basynan beri óńirde osy baǵdarlama boıynsha 40 adam jumysqa ornalastyryldy. Jyl sońyna deıin 238 adamdy qamtýdy josparlanyp otyr. Budan basqa, zeınetkerlik jasqa jetken jumys istep júrgen qyzmetkerdi keıinnen aýystyra otyryp, jumysqa ornalastyrý úshin óńirde «Urpaqtar kelisimsharty» jobasy iske asyrylýda», - dep málimdedi Qaraǵandy oblysynyń jumyspen qamtýdy úılestirý jáne áleýmettik baǵdarlamalar basqarmasyn da .

Bıyl jobaǵa qatysý úshin eki adam jiberildi. Jyl sońyna deıin 34 adamdy jumysqa ornalastyrý josparlanyp otyr.

Óńir turǵyndary elektrondyq eńbek bırjasynyń www.enbek.kz portaly arqyly jumys taba alady jáne jobalarǵa qatysýǵa ótinim bere alady. Búgingi tańda onyń bazasynda 8222 bos jumys orny bar. Tsıfrlyq platformany uıaly telefon arqyly da, ózine-ózi qyzmet kórsetýdiń 32 aımaǵy jabdyqtalǵan Oblystyń HQKO-larynda da paıdalanýǵa bolady.

Jańalyqtar

MURAǴAT