Qaraǵandy oblysynda 40 gektar orman janyp ketken
2022 jylǵy 5 shilde 04:11

Qaraǵandy oblysynda 40 gektar orman janyp ketken

NUR-SULTAN. QazAqparat - Qaraǵandy oblysynda 40 gektar orman janyp ketti, dep habarlaıdy óńirlik TJD baspasóz qyzmeti.

«Qaraǵandynyń ormandy aımaqtarynda 2 órt oshaǵy baqylaýda. Jańartylǵan málimetterge sáıkes, tilsiz jaý 70 gektar jerdi sharpyǵan, onyń 40 gektary orman. Órtten 6 saıajaı (1 jumys istemeıdi), 7 saıajaı aýmaǵyndaǵy 15 sharýashylyq ǵımarat japa shekti.
Saıajaıdan 5 adam qutqaryldy, 25 adam qaýipsiz jerge kóshirildi» delingen habarlamada.

Qazirgi kezde ormandy jerlerdegi órt aýyzdyqtaldy, saıajaı aýlalaryndaǵy órt jáne tutanǵan oshaqtar sóndirilýde.
Órtti joıýǵa TJD, 52859 áskerı bóliminiń, jergilikti polıtsııa qyzmetiniń, orman sharýashylyǵynyń, Qazavıaqutqarý kúshteri: barlyǵy 289 adam, 68 birlik tehnıka jumyldyryldy.

Seriktester jańalyqtary

Jańalyqtar

Úrdis

MURAǴAT