+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qaraǵandy oblysynda 300-den astam jas dáriger baspanamen qamtamasyz etilmek

2021 jylǵy 17 qyrkúıek 21:14
Bólisińiz:
Qaraǵandy oblysynda 300-den astam jas dáriger baspanamen qamtamasyz etilmek

QARAǴANDY. QazAqparat – Qaraǵandy oblysynda medıtsınalyq kadrlardyń tapshylyǵy tómendep keledi. Buǵan jas mamandardyń turǵyn úı máselesin sheshý yqpal etýde. Aldaǵy jyldary úsh júzden astam dárigerdi turǵyn úımen qamtamasyz etý josparlanýda, dep habarlaıdy QazAqparat tilshisi.

Uqsas jańalyqtar
Almaty qalalyq densaýlyq saqtaý basqarmasy jedel járdem qyzmetkerleriniń shaǵymyna jaýap berdi Aýǵanstanǵa 28 tonna medıtsınalyq júk jetkizildi Qazaqstanda ıpotekalyq qaryz boıynsha kepilde turǵan úıdi óndirip alýǵa tyıym salynbaq

«Bıyl Qaraǵandy medıtsınalyq ýnıversıtetiniń 597 túlegi jas mamandar qataryn tolyqtyryp, oblys klınıkalarynda jumys isteıtin bolady. 2023 jyldyń sońyna deıin biz olardyń 300-den astamyn turǵyn úımen qamtamasyz etýge tyrysamyz.

Jaqynda biz Temirtaýda páter kiltin tabys ettik. Onda dárigerlerge arnalǵan 86 páterli úı paıdalanýǵa berildi. Osylaısha másele Prıozersk qalasynda da sheshilýde. Sondaı-aq, Qarajalda 12 páterli turǵyn úıdi paıdalanýǵa berý josparlanǵan», – dedi Qaraǵandy oblysy Densaýlyq saqtaý basqarmasynyń basshysy Gamal Toqsambaev Óńirlik kommýnıkatsııalar qyzmeti platformasynda ótken onlaın-brıfıngte.

Aıta ketý kerek, oblysta «Jumyspen qamtý jol kartasy – 2021» memlekettik baǵdarlamasy boıynsha oblystyq onkologııalyq dıspanserdiń operatsııalyq- reanımatsııalyq blogyn, Maıqudyq jáne Suryptaýda jedel medıtsınalyq járdem qosalqy stantsııalaryn, pozıtrondy-emıssııalyq kompıýterlik tomografııa ǵımaratyn, Qaraǵandynyń №1 kópsalaly aýrýhanasy janyndaǵy qabyldaý-dıagnostıkalyq bólimshesin salý jalǵasýda. Budan basqa, 200 tósektik oblystyq kópbeıindi balalar aýrýhanasynyń qurylysy aıaqtalýǵa taıaý.

«Aýyl – El besigi» respýblıkalyq baǵdarlamasy aıasynda Nura aýdanynyń Kertindi aýylynda feldsherlik-akýsherlik pýnkt (FAP) ashylady. Oblys boıynsha 2024 jylǵa deıin barlyǵy 32 FAP salý kózdelip otyr.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT