+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qaraǵandy oblysynda 2 tamyzdan bastap qosymsha shekteýler engiziledi

2021 jylǵy 29 shilde 20:02
Bólisińiz:
Qaraǵandy oblysynda 2 tamyzdan bastap qosymsha shekteýler engiziledi

QARAǴANDY. QazAqparat – Búgin Qaraǵandy oblysynda bas sanıtarlyq dárigerdiń jańa qaýlysy shyqty. Atalǵan qujatqa sáıkes Ashyq baǵdarlamasyna qatysatyn nysandar ǵana óz qyzmetin jalǵastyra alady. Alaıda, demalys kúnderi Ashyq bolǵan jaǵdaıda da olardyń kópshiligi jumys istemeıdi, dep habarlaıdy QazAqparat tilshisi.

Uqsas jańalyqtar
Ótken táýlikte Qazaqstanǵa 47 halyqaralyq áýe reısi keldi Almatyda úı karantınin buzǵan 412 adamǵa aıyppul salyndy Almatylyqtar barlyq epıdqaýipsizdik sharalaryn saqtaǵany durys – Baqytjan Saǵyntaev

Qazaqstan Respýblıkasynyń aýmaǵynda koronavırýstyq ınfektsııanyń paıda bolýy men taralýyna jol bermeý jónindegi vedomstvoaralyq komıssııa otyrysynda qabyldanǵan aǵymdaǵy jylǵy 27 shildedegi sheshimge sáıkes Qaraǵandy oblysynyń turǵyndary arasynda koronavırýstyq ınfektsııanyń odan ári taralýyna jol bermeý maqsatynda búgin buryn qoldanysta bolǵan qaýlyǵa ózgerister engizý týraly Qaraǵandy oblysynyń bas memlekettik sanıtarııalyq dárigeriniń №28 qaýlysy shyǵaryldy.

Osy qaýlymen 2021 jylǵy 2 tamyzdan bastap iske asyrylatyn qosymsha shekteý sharalary engizildi, atap aıtqanda ortalyq memlekettik organdardy, ákimdikterdi, quqyq qorǵaý organdaryn, Densaýlyq saqtaý uıymdaryn, BAQ-ty, azyq-túlik dúkenderin, dárihanalardy jáne tirshilikti qamtamasyz etý uıymdaryn qospaǵanda, «Ashyq» baǵdarlamasyna qatyspaıtyn barlyq kásiporyndar men uıymdardyń qyzmeti menshik nysanyna qaramastan toqtatylady.

Qurylys jumystaryn júrgizý úshin, ónerkásiptik kásiporyndar, jekelegen qyzmet túrleri bar bıznes-ortalyqtar úshin «Ashyq»-tan tys qyzmetke jol beriledi.

«ASHYQ» jobasyna qatysatyn áleýmettik-ekonomıkalyq obektilerdiń «qyzyl aımaq» rejımi boıynsha shekteýlerin iske asyrý jáne jumysyna ruqsat berý osy qaýlyǵa 2-qosymshaǵa sáıkes júrgiziledi, bul rette «ASHYQ» qosymshasynyń kóshbasshylaryna jumys rejımi 22.00 saǵatqa deıin ulǵaıtylady, al «ASHYQ» rejımin buzǵan bıznes sýbektileri eskertýsiz 1 aı merzimge alyp tastalady.

«Ashyq» qosymshasyn paıdalanǵan kezde kelesi obektilerge demalys (senbi jáne jeksenbi) kúnderi qyzmetin toqtata otyryp, saǵat 10.00-den 20.00-ge deıin jumys isteýge ruqsat etiledi:

- monshalar, saýnalar, SPA-ortalyqtar, basseınder, fıtnes-klýbtar, fıtnes-ortalyqtar, sonyń ishinde ıoga-ortalyqtar, teatrlar, kontsert zaldary, fılarmonııalar, kınoteatrlar;

- nysan ishterinde ornalasqan dárihanalar, sýpermarketter jáne azyq-túlik pavılondaryn qospaǵanda, saýda ortalyqtary, saýda úıleri, azyq-túlik emes taýarlardy ótkizetin saýda jelileri, kóterme-taratý ortalyqtary, Saýda-fermer ortalyqtary (osy obektilerde vaktsınatsııa pýnktteriniń ornalastyrylýyna qaramastan);

- kólemi 1000 sharshy metrden 2000 sharshy metrge deıingi azyq-túlik emes dúkender (jeke turǵan).

Bul rette, tsırkter, bılıard bólmeleri, boýlıngter tolymdylyǵy 30%-dan aspaı, jumys rejımi saǵat 12.00-den 20.00-ge deıin, demalys kúnderi (senbi jáne jeksenbi) qyzmetin toqtata otyryp jumys isteıdi, al PlayStation klýbtaryn qosa alǵanda, kompıýterlik klýbtarǵa 12 jasqa tolǵan jáne jasy odan joǵary adamdar ǵana jiberiledi.

«Ashyq» joq sport keshenderi men sport uıymdarynyń qyzmetine tyıym salynady, «Ashyq» baǵdarlamasyn paıdalanǵan kezde saǵat 10.00-den 20.00-ge deıin jumys isteýge ruqsat etiledi, al tolyq kýrs alǵan barlyq qyzmetkerler men sportshylardy 100% vaktsınatsııalaǵan jaǵdaıda saǵat 22.00-ge deıin jumys isteýge ruqsat etiledi.

Bul rette, qoǵamdyq tamaqtaný obektilerine (úı-jaıda), onyń ishinde meıramhana, kafe jáne kofehanalar tıpi boıynsha; sondaı-aq jazǵy alańdarǵa, strıt-fýdtarǵa (jeke turǵan shatyr/dúńgirshek jáne t.b.), fýd-korttarǵa tek «Ashyq» -syz tamaqty shyǵarý jáne jetkizý úshin jumys isteýge ruqsat etiledi, al«Ashyq» paıdalanǵan kezde demalys kúnderi qyzmetin toqtata turyp, saǵat 10.00-den 20.00-ge deıin jumys isteýge ruqsat etiledi.

Budan basqa, «Ashyq» joqta bankter, «Qazposhta» AQ bólimsheleri, halyqqa qyzmet kórsetý ortalyqtary tek «onlaın» formatta jumys isteıdi, «Ashyq» paıdalaný kezinde demalys kúnderi qyzmetin toqtata otyryp 9.00-den bastap saǵat 18.00-ge deıin jumys isteýge ruqsat etiledi.

Azyq-túliktik jáne azyq-túlik emes jabyq jáne ashyq bazarlardyń qyzmetine tyıym salynady, «Ashyq»-ty paıdalaný kezinde demalys kúnderi qyzmetin toqtata turyp, saǵat 9.00-den 17.00-ge deıin jumys isteýge ruqsat etiledi.

Oblysaralyq jáne qalalyq turaqty emes (týrıstik) tasymaldarǵa, sondaı-aq:

- aýdany 2000 jáne odan da kóp sh. m. azyq-túlik emes dúkenderdiń (jeke turǵan) jumysyna,

- túngi jáne oıyn klýbtary,

- akvaparktar, onyń ishinde olarda ornalasqan basseınder,

- jaǵajaılar, sonyń ishinde ruqsat etilmegen,

- attraktsıondar, sonyń ishinde ashyq aýada,

- kórmeler, sonyń ishinde ashyq aýada,

- kórermendermen sporttyq is-sharalar, mádenı-buqaralyq is-sharalar, onyń ishinde ashyq aýada ótkizý («onlaın formatty» qospaǵanda),

- oıyn-saýyq, buqaralyq, saltanatty, otbasylyq, eske alý is-sharalaryn, onyń ishinde konferentsııalar, forýmdar, semınarlar, dóńgelek ústelder jáne t. b. ótkizýge salynǵan tyıym áli de saqtalady.

Sondaı-aq, demalys kúnderi qalaishilik turaqty marshrýttyq avtobýstardyń, shaǵyn avtobýstardyń qozǵalysy áli de toqtalyp otyr.

Qaýly 2 tamyz kúni saǵat 00.00-den bastap kúshine enedi.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT