Qaraǵandy oblysy Osakarov aýdanyna jańa ákim taǵaıyndaldy

2022 jylǵy 23 qyrkúıek, 18:43
Qaraǵandy oblysy Osakarov aýdanyna jańa ákim taǵaıyndaldy

QARAǴANDY. QazAqparat - Qaraǵandy oblysynyń Osakarov aýdanyna jańa ákim taǵaıyndaldy. Bul laýazymdy Rýslan Nurmuhanbetov atqaratyn bolady, dep habarlaıdy QazAqparat tilshisi.

QR Prezıdenti Ákimshiliginiń jáne aýdandyq máslıhat depýtattarynyń kelisimi boıynsha Osakarov aýdanynyń ákimi qyzmetine Rýslan Esenbekuly Nurmuhanbetov taǵaıyndaldy. Buǵan deıin ol osy aýdanda ákimniń orynbasary bolyp jumys istegen.

Qaraǵandy oblysynyń ákimi Jeńis Qasymbek aýdandyq máslıhattyń kezekten tys sessııasyna qatysyp, aýdan basshysynyń kandıdatýrasyn usyndy. Depýtattar ony qoldady.

Osakarov aýdanynyń burynǵy ákimi Núrken Kóbjanov Buqar Jyraý aýdanynyń ákimi qyzmetine aýysty.

Jeńis Qasymbek aýdanda atqarylýy tıis basym mindetterdi atap ótti. Olardyń qatarynda turǵyn úı qurylysy, halyqty taza aýyzsýmen qamtamasyz etý, ınfraqurylymdy jaqsartý máseleleri bar.


«Osakarovka kentindegi Pıonerskoe, Ozernoe-Eraly aýyldarynda sý qubyry jelileriniń jáne 7-shi kezektiń qurylysyna qarajat bólindi. Nysandardy 2023 jyly aıaqtaý qajet. «Aýyl – El besigi» arnaıy jobasy aıasynda bıyl Mádenıet úıi, eki mektep jáne sport kesheni kúrdeli jóndeýden ótip jatqan Molodejnyı kentine kóp kóńil bólindi. Jumys sapasy men jobalardyń oryndalý merzimin baqylaý qajet», – dedi oblys ákimi.

Rýslan Nurmuhanbetov memlekettik qyzmette 16 jyldan astam ýaqyt jumys atqaryp keledi. Eńbek jolyn 2005 jyly Osakarov aýdany Molodejnyı kenti ákimi apparatynyń mamany bolyp bastaǵan.

Osakarov aýdany ákiminiń apparatynda ártúrli laýazymdardy atqardy. Sodan keıin Soltústik Qazaqstan oblysynda Bilim basqarmasy basshysynyń orynbasary bolyp jumys istedi.

Keıin Buqar Jyraý aýdanynda eńbek etip, bas mamannan aýdan ákiminiń orynbasaryna deıingi joldy júrip ótti.

2017 jyldyń tamyz aıynan bastap qazirgi ýaqytqa deıin Osakarov aýdany ákiminiń orynbasary qyzmetin atqaryp, ekonomıka, aýyl sharýashylyǵy, veterınarııa, jer qatynastary máselelerine jetekshilik etti.


Uqsas jańalyqtar
Seriktester jańalyqtary

Jańalyqtar