+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qaraǵandy oblysy: Mal izdeýge shyǵyp, joǵalyp ketken eki adam tabylmaı jatyr

2020 jylǵy 19 aqpan 12:41
Bólisińiz:
Qaraǵandy oblysy: Mal izdeýge shyǵyp, joǵalyp ketken eki adam tabylmaı jatyr

QARAǴANDY. QazAqparat – 19 aqpanǵa qaraǵan túni Qaraǵandy oblysynyń Osakarov aýdanyna qarasty joldarda qutqarý jumystary júrgizildi. TJD qyzmetkerleriniń kómegimen 40 adam qutqaryldy, onyń ishinde 29 adam jylytý pýnktine ornalastyryldy, dep habarlaıdy QazAqparat tilshisi.

Uqsas jańalyqtar
Aldaǵy úsh kúnde aýa raıy qandaı bolady Úsik, tuman, jaýyn-shashyn: Elimizdiń 11 óńirinde eskertý jarııalandy 23 qyrkúıek kúnine jasalǵan aýa raıy boljamy

Osakarov aýdanynda apattyq-qutqarý jumystary «Almaty-Ekaterınbýrg», «Osakarovka-Molodejnyı» jáne «Osakarovka-Nura» avtojoldarynda júrgizildi.

«Almaty-Ekaterınbýrg» avtojolynan Osakarovka kentindegi jylytý pýnktine deıin jolaýshylar avtobýsyn alyp júrý uıymdastyryldy. Halyqaralyq baǵyttaǵy avtobýsta bolǵan 29 adam jergilikti mádenıet úıinde ornalastyryldy. Olardyń barlyǵy - Mońǵolııa azamattary. Jolaýshylardyń eshqaısysyna medıtsınalyq kómek qajet bolmady. Sonymen qatar qar qursaýynan 4 jeńil avtokólik shyǵyp, 11 adam qutqaryldy.

Qutqarý jumystary Qaraǵandy oblysynyń TJD bólimsheleri men jergilikti atqarýshy organdardyń kúshimen júrgizildi.

Sondaı-aq, Osakarov aýdanynyń Senokosnoe aýylynda qarda júretin kólikpen mal izdeýge shyǵyp, úıine oralmaǵan eki adam izdestirilýde. Іzdestirý-qutqarý jumystary TJD basshylyǵynyń baqylaýynda.

«Qazaqavtojol» JShS málimetteri boıynsha aýa raıynyń nasharlaýyna baılanysty (boran, joldyń nashar kórinýi) respýblıkalyq mańyzy bar avtojoldardyń 8 ýchaskesinde avtokóliktiń barlyq túrleri úshin qozǵalys jabyldy.

«Ótkizý pýnktterinde 261 tehnıka (69-júk, 175-jeńil, 17-avtobýs) bar. Joldardy tazalaý úshin barlyǵy 184 tehnıka men 251 adam jumyldyryldy», - dep habarlady Qaraǵandy oblysy TJD baspasóz qyzmeti.

Aýa raıynyń nasharlaýy jáne avtojoldardyń jabyq bolýy týraly aqparat barlyq BAQ-ta, áleýmettik jelilerde, TJD vedomstvolyq ınternet-resýrsynda jáne «Darmen» mobıldik qosymshasynda jedel túrde ornalastyrylady.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT