+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qaraǵandy oblysy áleýmettik-ekonomıkalyq damýdyń oń serpinin saqtap qaldy

2020 jylǵy 14 shilde 12:45
Bólisińiz:
Qaraǵandy oblysy áleýmettik-ekonomıkalyq damýdyń oń serpinin saqtap qaldy

QARAǴANDY. QazAqparat - Qaraǵandy oblysy birinshi jartyjyldyqta áleýmettik-ekonomıkalyq damýdyń oń serpinin saqtap qaldy. Bul qarqyndy ustap turý qajet. Ol úshin bıznesti qoldaý jáne jumyspen qamtýdy qamtamasyz etý jónindegi sharalardy qamtıtyn daǵdarysqa qarsy jospar qabyldandy, dep habarlaıdy QazAqparat oblys ákiminiń baspasóz qyzmetine silteme jasap.

Uqsas jańalyqtar
Qytaıǵa taǵy 78 qazaqstandyq kásiporyn zyǵyr tuqymyn eksporttaı alady – QR AShM Qazaqstan áýe kompanııalarynyń tabysy 1,5 ese azaıdy Dollar arzandady

10 shildede ótken Úkimettiń keńeıtilgen otyrysynda Memleket basshysy júktegen mindetter onlaın rejıminde apparattyq keńeste talqylandy. Oblys ákimi Jeńis Qasymbek árbir baǵyt boıynsha tapsyrmalar berdi.

- Birinshi jartyjyldyqta oblys damýynyń negizgi áleýmettik-ekonomıkalyq kórsetkishteri oń dınamıkamen qamtamasyz etildi. Ónerkásipte 1,360 trln teńgeniń ónimi óndirildi. Naqty kólem ındeksi óńdeýshi (106,4%) jáne taý-ken óndirý (105,7%) sektorlaryndaǵy ósim esebinen 3,5%-ǵa artty, - dedi ekonomıka basqarmasynyń basshysy Azamat Muqanov.

Oblysta kómir men metall kenderin óndirý artty. Metallýrgııa men mashına jasaýda, hımııada, azyq-túlik óndirisinde ósim qamtamasyz etildi. Farmatsevtıka aıtarlyqtaı qarqyn alýda, bul salada óndiris 4,3 esege artty.

Óńirde joǵary ınvestıtsııalyq belsendilik saqtalýda. Jarty jyldyqtyń qorytyndysy boıynsha 8,3% ósimmen negizgi kapıtalǵa 300 mlrd teńgeden astam ınvestıtsııa tartyldy. Bul kólemniń 85%-y - jeke ınvestıtsııalar. 13 myńnan astam jumys ornyn qurýmen 2 trln teńgeden astam somaǵa 44 ınvestıtsııalyq joba iske asyrylýda. 2020 jylǵa 14 jańa óndiristi iske qosý josparlanǵan, olardyń beseýi iske qosyldy.

Oblysta úlken qurylys júrip jatyr. Qurylys jumystarynyń kólemi úshten birge ósti. Turǵyn úıdi iske qosý barlyq qalalar men aýdandar boıynsha ulǵaıdy. Bıylǵy jyly turǵyn úı qurylysynyń aýqymyn 42,5%-ǵa kóterý mindeti tur.

Sýaǵarlardy qaıta qurý jáne salý boıynsha 95 joba iske asyrylýda. Bul bıylǵy jyly qala turǵyndarynyń ortalyqtandyrylǵan sýmen qamtamasyz etilýin 98%-ǵa deıin, aýyl turǵyndaryn 87%-ǵa deıin jetkizýge múmkindik beredi.

Jyl sońyna deıin 30 myńnan astam jańa jumys orny ashylady.

Apparattyq keńeste turaqty áleýmettik-ekonomıkalyq jaǵdaıdy saqtaý boıynsha daǵdarysqa qarsy jospar týraly aıtyldy. Oǵan 119 is-shara kirdi. Jospar bıznesti qoldaý jáne jumyspen qamtýdy qamtamasyz etý jónindegi sharalar paketin qamtıdy.

Jeńis Qasymbek jańa jumys oryndarynyń ashylýyn, jergilikti óndirýshilerdi qoldaýdy atap ótti. Ol memlekettik baǵdarlamalar boıynsha bólingen qarajattyń tıimdi paıdalanylýyn baqylaýdy kúsheıtýdi tapsyrdy. «Qarapaıym zattar ekonomıkasy» baǵdarlamasyna erekshe nazar aýdarý qajet, dep esepteıdi aımaq basshysy.

- Oblystyń birinshi jartyjyldyqtaǵy áleýmettik-ekonomıkalyq damýynyń qorytyndysy oń. Negizgi kórsetkishter boıynsha ósim qamtamasyz etildi. Bul qarqyndy baıaýlatýǵa bolmaıdy. Shaǵyn jáne orta bıznesti qoldaý úshin taǵy ne isteý kerek, usynystaryńyzdy berińizder. Qazaqstandyq ónimderdi alǵa jyljytý kerek, jergilikti qamtýdy arttyrý úshin jumys isteý qajet. Mindet - ekonomıkany qalpyna keltirý boıynsha barlyq sharalardy qabyldaý, turaqtylyqty saqtaý jáne jyl qorytyndysy boıynsha barlyq josparlanǵan kórsetkishterdiń oryndalýyn qamtamasyz etýimiz tıis, - dedi Jeńis Qasymbek.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT