+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Qaraǵandy kolonııasynda alǵashqy elektrondy dúken paıda boldy

2021 jylǵy 10 qyrkúıek 14:04
Bólisińiz:
Qaraǵandy kolonııasynda alǵashqy elektrondy dúken paıda boldy

QARAǴANDY. QazAqparat – Qaraǵandy oblysynda sottalǵandar úshin taǵy bir jańalyq engizildi. Endi jazasyn ótep jatqan azamattar arnaıy elektrondy dúken arqyly ózderine qajetti taýarlardy satyp ala alady, dep habarlaıdy QazAqparat tilshisi.

Uqsas jańalyqtar
Qaraǵandylyq qutqarýshylar 1 qarashadan bastap joǵary daıyndyq rejımine kóshedi Sátbaevta júk kóligi jaıaý júrginshini qaǵyp ketti Qaraǵandyda polıtseıler órtten jeti adamdy qutqardy

Qaraǵandy oblysy boıynsha QAJD AK-159/5 mekemesinde oblystaǵy alǵashqy elektrondy dúken óz jumysyn bastady. Jańashyldyqtyń bastamashysy mekeme basshylyǵy men oblystyń mamandandyrylǵan prokýratýrasy boldy.

Sottalǵandardyń ózderi usynylǵan taýarlar assortımentimen tanysyp, alǵashqy satyp alýlaryn júzege asyra bastady. Taýardy satyp alý úshin sottalǵandar termınal arqyly logın men parol engizedi, jeke kabınetke túsedi, mekemeni, odan ári sanatty tańdaıdy jáne qajetti taýardy tańdaıdy. Rastalǵannan keıin tapsyrys bazaǵa túsedi de, ony menedjer óńdeıdi, taýarlar tizimi jınalyp, mekemedegi tapsyrys berý ornynda jetkiziledi.

Sonymen qatar, sottalýshynyń týystary elektrondy dúkenniń veb-saıty arqyly tapsyrys bere alady. Bul rette sottalǵan adamdy ustaý sharttary eskeriledi. Onyń qansha somaǵa taýar ala alatyny osyǵan baılanysty bolady. Dúkenniń assortımenti qatań túrde sottalǵandarǵa QR ІІM «QAJ mekemeleriniń ishki tártip erejelerin bekitý týraly» buıryǵyna sáıkes ózimen birge alyp júrýge ruqsat etilgen zattar men taýarlardyń tizimine sáıkestendirilgen.

«Men Semeı qalasynyń týmasymyn. Týystarym maǵan árdaıym kelip, sálemdemeler bere almaıdy. Biraq elektrondy dúken arqyly olar meniń shotymdy toltyra alady, nemese ózderi maǵan ónimderdi tańdaı alady, bul óte yńǵaıly qyzmet», - dep atap ótti AK-159/5 mekemesinde otyrǵan sottalǵan azamat.

Kóbinese sottalǵandar temeki ónimderin, táttiler men etten jasalǵan jartylaı fabrıkattaryn satyp alady.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT