+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Qaraǵandy bazaryndaǵy ólim oqıǵalary: Er adam tok soǵýdan kóz jumǵan

2021 jylǵy 10 maýsym 14:56
Bólisińiz:
Qaraǵandy bazaryndaǵy ólim oqıǵalary: Er adam tok soǵýdan kóz jumǵan

QARAǴANDY. QazAqparat – Qaraǵandy oblysynyń Polıtsııa departamenti Qaraǵandynyń «Gornıak» bazarynda er adamnyń ólimi boıynsha taǵaıyndalǵan sot-medıtsınalyq saraptama qorytyndysyn jarııalady. Oǵan sáıkes, ólim elektr togynyń soǵýy saldarynan bolǵan, dep habarlaıdy QazAqparat tilshisi.

Uqsas jańalyqtar
Pavlodarda sport mektebiniń shatyry opyryla qulady Aqtóbede jol jıegindegi  júrginshini júk kóligi súırep ketti SQO-da kólik júrgizýshisi jolda otar qoıdy soǵyp, 14 mal óldi

«9 maýsymda oryn alǵan jazataıym oqıǵa faktisi boıynsha QR QK 306-baby «Qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetterdi kórsetý« boıynsha qylmystyq is qozǵaldy. Sot-medıtsınalyq saraptama jábirlenýshiniń ólimi elektr togynyń soǵýy saldarynan bolǵanyn anyqtady», - dep habarlady Qaraǵandy oblysy PD baspasóz qyzmetinen.

Qazirgi ýaqytta polıtsııa qyzmetkerleri oqıǵanyń barlyq mán-jaıyn anyqtaý úshin qajetti tergeý sharalaryn júrgizýde.

36 jastaǵy áıeldiń ólimine qatysty ekinshi jaǵdaıǵa keletin bolsaq, polıtsııa onyń elektr togynan kóz jumǵany týraly qaýesetti joqqa shyǵardy.

«Buǵan deıin habarlanǵandaı, 6 maýsymda dál osy aýdanda 36 jastaǵy áıeldiń máıiti tabyldy. Medıtsınalyq saraptama onyń óliminiń sebebi júrek aýrýy – «keńeıtilgen kardıomıopatııa« bolǵanyn anyqtady. Sondyqtan, áıel de elektr togynyń soǵýynan mert boldy degen boljamdar men qaýesetterge esh negiz joq», - dep túsindirdi departamentte.

Jýrnalısterdiń: «Osy ýchaskede qandaı da bir jóndeý jumystary júrgizildi me?», - degen suraǵyna qala ákimdigi kelesideı jaýap berdi:

«Búgingi tańda áleýmettik pavılon aýmaǵynda (Gornıak aıaldamasy) avtomobıl jolynyń oń jaǵynda merdiger uıym eshqandaı jumys júrgizbeıdi. Sondaı-aq, pavılon men jol tóseý jobasy arasynda elektr kabelderi tabylmady», - dep habarlady Qaraǵandy qalasy ákimdiginiń baspasóz qyzmetinen.

Esterińizge sala keteıik, «Gornıak» bazarynda araǵa tórt kún salyp, 2 adam kóz jumdy. 6 maýsymda 36 jastaǵy áıel qaıtys bolsa, 9 maýsymda 32 jastaǵy er adam qaza tapty.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT