+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Qaraǵandy-Balqash tasjolyn jóndeý jumystary 2023 jyly aıaqtalady

2021 jylǵy 27 qyrkúıek 01:18
Bólisińiz:
Qaraǵandy-Balqash tasjolyn jóndeý jumystary 2023 jyly aıaqtalady

QARAǴANDY. QazAqparat – Qaraǵandy oblysynda bıyl 1 500 shaqyrymnan astam jalpy paıdalanymdaǵy joldardy, onyń ishinde 674 shaqyrym respýblıkalyq mańyzy bar joldardy jóndeý jumystarymen qamtyldy. Іri ýchaskelerdiń biri – Qaraǵandy – Balqash trassasyn qaıta qurý jalǵasýda, dep habarlaıdy QazAqparat tilshisi.

Uqsas jańalyqtar
UEFA Chempıondar lıgasy: «Manchester ıÝnaıted» birinshi orynǵa kóterildi Atyraýda jeke turǵyn úılerdiń aýlasynda saryshaıan qaptady Elordalyq kóligin turaqqa qoıý úshin qansha ýaqytyn jumsaıdy

Jol jumystarynyń barysyn Qaraǵandy oblysynyń ákimi Jeńis Qasymbek pen «QazAvtoJol» UK» AQ tóraǵasynyń orynbasary Talǵat Smaǵulov tekserdi.

Búginde uzyndyǵy 363 shaqyrym bolatyn Qaraǵandy – Balqash jolynda jumystar táýlik boıy júrip jatyr. 1 400-ge jýyq adam men 687 arnaıy tehnıka jumyldyryldy. Keı jerlerde tórt jolaq boıymen kólik qozǵalysy ashyldy. Bul 170 shaqyrymnan astam jol bóligi. Qalǵan ýchaskeler boıynsha eki jolaqpen júrýge bolady. Ótken jylmen salystyrǵanda aınalyp ótý joldarynyń sany aıtarlyqtaı qysqardy – buryn 92 bolsa, qazir 15-ke deıin qysqardy. Búkil tas jol boıynda aınalma joldar jalpy 25 shaqyrymdy quraıdy, alaıda merdigerdiń qurylys merzimine qatysty ýáde etilgen qarqyny saqtalmaýda.

«Qurylystyń málimdelgen merzimderinen artta qalyp kele jatyrsyzdar. Júrgizýshilerdiń aınalma joldarǵa qatysty shaǵymdary bar. Ózim de júrip óttim. Men munyń bárin kórip otyrmyn. Ýaqytsha aınalma joldarda avtokóliktiń qaýipsiz júrýi jáne úzdiksiz qozǵalysy úshin pishindeý jáne shańsyzdandyrý boıynsha jumystardy júzege asyrý qajet. Men bul baǵytta sapaly jumys istep jatqandaryńyzdy baıqamadym. Júrgizýshilerdiń qaýipsizdigi týraly da umytpaǵan jón», – dedi Jeńis Qasymbek.

Merdigerler óz kezeginde jaǵdaıdy túzetýge ýáde berdi. Sondaı-aq, qurylys materıaldarynyń baǵasy birneshe ese kóterilgenin atap ótti, sondyqtan keıbir qarjylyq qıyndyqtarǵa baılanysty ýchaskelerde artta qalýlar bar.

Shart boıynsha jol qurylysy 2023 jyly aıaqtalýy tıis.

Búginde 10 kópirdiń 5-i, 330 sý ótkizý qubyrynyń 310-y salyndy.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT