+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Qarabulaq aýylynda koronavırýs juqtyrǵan sońǵy patsıent aýrýhanadan shyqty

2020 jylǵy 25 qyrkúıek 21:48
Bólisińiz:
Qarabulaq aýylynda koronavırýs juqtyrǵan sońǵy patsıent aýrýhanadan shyqty

QARABULAQ. QazAqparat - Túrkistan oblysy Saıram aýdandyq Qarabulaq aýrýhanasynan Covid-19 ınfektsııasyna shaldyqqan sońǵy naýqas jazylyp shyqty, dep habarlaıdy QazAqparat oblys ákiminiń baspasóz qyzmetine silteme jasap.

Uqsas jańalyqtar
Almatyda mıtıng ótkizýge tyıym salynýy múmkin Qys jaqyndaǵan saıyn koronavırýs juqtyrǵandar sany ósýde – DDSU basshysy Bishkekte alǵash ret koronavırýsty qaıta juqtyrý jaǵdaılary anyqtaldy

58 jastaǵy jergilikti turǵyn Sevara Amantaeva aýrýhanaǵa medıtsınalyq jedel-járdem kóligimen aýyr halde jetkizilgen. Naýqastyń dene qyzýy kóterilip, jótel, entigý belgileri bolǵan.

Infektsııalyq statsıonarda eki apta boıy qarqyndy em qabyldaǵan áıeldiń jaǵdaıy qazir jaqsy. Ómirine arasha túsip, aýyr indetpen kúndiz-túni birge kúresken aq halatty jandarǵa, emdeý mekemesiniń orta jáne kishi býyn qyzmetkerlerine de alǵysy sheksiz.

Saıram aýdandyq «Qarabulaq» aýrýhanasynyń bas dárigeri Elmıra Qojahmetovanyń aıtýynsha, ınfektsııalyq statsıonarda qazir 30 tósek-oryn bar. Barlyǵy bos tur.

«Qýanyshqa oraı, aýrýhanada koronavırýs ınfektsııasymen em qabyldap jatqan naýqas qalmady. Aldaǵy ýaqytta da azamattardyń bul dertke shaldyqpaýyn tileımiz. Óńirde indet beleń alǵan sátten bastap aýrýhanamyzda koronavırýs ınfektsııasyn juqtyrǵan 29 naýqas em qabyldady. Naýqastarǵa barlyq tıisti medıtsınalyq kómek kórsetilip, árbir maman aıanbaı eńbek etti»,-deıdi aýrýhananyń bas dárigeri.

Álemdi dúrliktirgen koronavırýs derti Túrkistan oblysynda alǵash ret bıyl 31 naýryz kúni Jetisaı aýdanynyń turǵynynan anyqtalǵan bolatyn. Sodan beri óńirde Covid-19 ınfektsııasynyń 3373 jaǵdaıy tirkelgen.

Oblys boıynsha emdeý sharalary úshin statsıonarlarda 600 tósek-oryn uıymdastyrylǵan.

Sonymen qatar, koronavırýs jáne pnevmonııa indetterimen kúresý maqsatynda alǵashqy medıtsınalyq kómek kórsetetin 380 mobıldi top jasaqtalǵan.

Mobıldi toptar koronavırýstyń sımptomsyz túrimen aýyrǵan naýqastarǵa, pnevmonııamen aýyrǵan jáne basqa da aýrýlarmen jedel járdem shaqyrtqan 35 myńǵa jýyq azamatqa úıine baryp medıtsınalyq kómek kórsetken.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT