+7 (701) 759 90 19
USD 376.72 EUR 408.67
RUB 5.76 CNY 53.68
Jańalyqtar

Qar shańǵy sporty mektepterge pán retinde engizildi - Sheteldegi qazaqtildi BAQ-qa sholý

2019 jylǵy 24 qarasha 10:14
Bólisińiz:
Qar shańǵy sporty mektepterge pán retinde engizildi - Sheteldegi qazaqtildi BAQ-qa sholý

NUR-SULTAN. QazAqparat - «QazAqparat» HAA shetelde qazaq tilinde taraıtyn aqparat kózderine aptalyq sholýyn usynady.

Uqsas jańalyqtar

«Kúltegin» qazaqstandyq mýltfılmi Túrkııada kórsetildi

Qazaqstandyq rejısser Adaı Ábildınovtiń ІІ Shyǵys Kóktúrik qaǵanatynyń negizin qalaýshylardyń biri Kúlteginniń ómiri týraly anımatsııalyq fılmi 9-shy Malatııa halyqaralyq kınofestıvaliniń arnaıy baǵdarlamasyna qatysty, dep habarlaıdy Túrkııa Radıo Televızııa portaly.

«Fılm túrik tarıhynyń uly qolbasshylarynyń biri Kúltegin týraly baıandaıdy. Ákesi qaıtys bolǵannan keıin túrik ultyn qutqarý úshin kúreste oǵan Úsh Oǵyz myrzalary men inisi Bilge jáne Kókbóri kómektesedi. «Qazaqfılm» kınostýdııasy tolyqmetrajdy anımatsııalyq fılmniń 9-shy Malatııa halyqaralyq kınofestıvaline qatysqanyna qýanyshty ekenin bildirdi», - dep jazady Túrkııa Radıo Televızııa portaly.

Túrkııalyq BAQ «Kúltegin» mýltıplıkatsııalyq fılminiń festıvalge qatysýyna TRT-niń Nur-Sultandaǵy ókildigi de úlken úles qosqanyn aıtady.

Mýltfılm Qazaqstan Respýblıkasy Mádenıet jáne sport mınıstrliginiń qoldaýymen Sháken Aımanov atyndaǵy Qazaqfılm kınostýdııasynda túsirilgen.

Qar shańǵy tebý mektepterge dene shynyqtyrý páni retinde engizildi

Qytaı Halyq Respýblıkasynyń Altaı qalasynda orta-bastaýysh mektepterine qar shańǵy sporty dene shynyqtyrý páni retinde engizildi. ıAǵnı oqýshylar jylqynyń terisinen jasalatyn baıyrǵy qar shańǵyny tebýdi sabaq retinde úırene bastaıdy. Bul habar áleýmettik jelide keńinen taralyp, jeli qoldanýshylarynyń qyzyǵýshylyǵyn týdyrýda, dep habarlaıdy kazakh.altxw.com aqparattyq portaly.

Atalǵan aqparat kóziniń málimetine súıensek, mundaǵy maqsat – balalardyń boıynda kóne dalalyq sportqa beıimdiligin jetildirý.

Altaı qalasyndaǵy mektep jattyqtyrýshysy Ma Jýnnyń aıtýynsha, qar shańǵy sportyn eresekterge qaraǵanda jas jetkinshekter tez ıgerip alady eken.

«Qar shańǵy sportyn oqýshylar, ásirese, bastaýysh mekteptegi oqýshylar óte jaqsy ıgerýde. Dúısenbiden jumaǵa deıin ár kúni tústen keıin 2 saǵat sabaq qoıdyq. Qazir elimiz qar-muz sportymen shuǵyldanýdy jaqsy qoldaýda. Sondyqtan budan keıin oqýshylar arnaıy qar shańǵy alańyna barmaı-aq, mektep aýlasynda da úırene alatyn bolady», - deıdi jattyqtyrýshy.

Ulanbatyr álemdegi aýasy eń las 10 qalanyń tiziminen shyǵaryldy

Ulanbatyr álemdegi aýasy eń las 10 qalanyń tiziminen shyǵaryldy. Bul týraly dúnıejúzi boıynsha aýanyń sapalyq málimetterin jınaıtyn AirVisual halyqaralyq uıymynyń málimetine súıenip mońǵolııalyq kaznews aqparattyq portaly habarlady.

Portaldyń málimetine sáıkes, Mońǵolııa astanasy uzaq ýaqyttan beri álemniń ekologııalyq las qalalarynyń alǵashqy ondyǵynda turǵan. Tútin Ulanbatyr halqy úshin qys tússe ózekti taqyrypqa aınalǵan. Eldegi eń iri óndiris oshaqtarynyń jartysynan kóbi osynda ornalasqan. Oǵan kólikterdiń shamadan tys kóptigi men turǵyndar sanynyń artýy da áser etetin. Turǵyndardyń 60% kıiz úılerde turǵandyqtan, olardy jylytý úshin 2 mln tonna kómir ketetin. Al, Ulanbatyr qalasyndaǵy 4 elektr stantsııasy jylyna 6 mln tonna kómir jaǵady. Osynyń saldarynan qaladaǵy ekologııalyq ahýal qaýipsizdik deńgeıinen 17 esege artyp ketken.

«Úkimettiń ókimimen bıylǵy mamyr aıynan bastap shıki kómirdi astanaǵa jetkizýge shekteý qoıylyp, qyrkúıek aıynan brıkettelgen (untaqtalǵan) kómir otynyn paıdalaný tútinniń azaıýyna septigin tıgizgen», - dep túıindeıdi mońǵolııalyq BAQ.

300 jyldyq tarıhy bar monsha

Sheıh monshasy – Ardebıl qalasyndaǵy eń eski monshalardyń biri. Onyń kireberis esigi qarapaıym, biraq kirpishten óte ádemi qalanǵan, dep jazady parstoday aqparat agenttigi. Monshanyń kıim sheshý orny 4 portık pen 4 baǵanaly 8 qyrly bólmeden turady. Baǵandardyń ústine bıik jáne qysqa qanatty jartylaı kúmbezdi arkalar qoıylǵan. Monshanyń salyný tarıhy belgili emes, biraq restavratorlar onyń tarıhy shamamen 300 jyldan asatynyn aıtady, dep jazady ırandyq BAQ.

Túrkııadan sheteldikterdiń úı satyp alý sany artýda

Túrkııada sheteldikterge turǵyn úı satý sońǵy 10 aıdyń ishinde eń joǵarǵy kórsetkishke jetti. Atap aıtar bolsaq, tek qazan aıynda sheteldikterge 4272 úı satylǵan. Bul týraly osy aptada Túrkııa Radıo Televızııa portaly habarlady.

Atalǵan aqparat kóziniń málimetine súıensek, bıylǵy qańtar-qazan aılarynda sheteldikter barlyǵy 36 myń 197 baspana satylǵan. Ótken jyldyń alǵashqy on aıynda satylǵan jyljymaıtyn múlik sany 30 myń 431 bolǵan edi. ıAǵnı, ótken jylmen salystyrǵanda satý-satyp alý kelisimsharttary 19 paıyzǵa artqan. Jyljymaıtyn múlik sektorynyń ókilderi byltyr ózge elder azamattarynyń ıeligine 39 myń 663 turǵyn úı ótkenin aıtty. Bıyl bul kórsetkish 40 myńnyń kóleminde bolýy múmkin dep boljanýda.

TRT-nyń habarlaýynsha, shetel azamattary kóbine Ystanbuldan úı satyp alady eken.

«The Hu» óner toby Mońǵolııanyń eń joǵarǵy ordenimen marapattalady

Respýblıka kúni jáne kúntizbe boıynsha Shyńǵys hannyń dúnıege kelgen qys aıynyń birinshi juldyzy bıyl 27 qarashaǵa saı kelip otyr. Osyǵan baılanysty atalmysh datalar birge toılanbaq.

Shyńǵys hannyń dúnıege kelgen kúnin «Mońǵol maqtanysh kúni» dep atap ótý dástúrge aınalǵan. Bul kúnge oraı memleket jáne qoǵamǵa zor eńbegi sińgen, ulttyq bereke-birlikti nyǵaıtqan, ulttyq qundylyqtardy álemge tanytýǵa úles qosqan Mońǵolııa azamattary jyl saıyn eldiń eń joǵarǵy marapaty - «Shyńǵys han» ordenimen marapattalady. Bul týraly osy aptada mońǵolııalyq kaznews.mn aqparattyq portaly habarlady.

Mońǵolııa Prezıdenti H.Battýlganyń jarlyǵyna sáıkes bıylǵy jyly orden «The Hu» tobyna tabys etiledi. Bul týraly arnaıy ótken baspasóz máslıhatynda Prezıdent Ákimshiliginiń apparat basshysy Z.Enhbold aıtty.

Aqparat kóziniń málimetinshe, «The Hu» tobynyń «Yuve Yuve Yu, The Gereg» albomy amerıkalyq Billboard tiziminde kósh bastaǵan. Al «Yuve Yuve Yu» ániniń Youtube jelisindegi qaralymy 30 mıllıonǵa jýyqtady.

«1924 jylǵy 26 qarashada Mońǵolııa táýelsiz jáne egemen memleket retinde Mońǵol Halyq Respýblıkasy ataýymen quryldy jáne konstıtýtsııasy qabyldandy», dep jazady kaznews.

Ózbekstan bıyl 4 mlrd dollarǵa altyn satqan

Ózbekstanda bıyl altyn eksporty 2018 jylǵa qaraǵanda birshama óskeni baıqalady, dep habarlaıdy Ózbekstannyń «ÓzA» memlekettik aqparattyq agenttigi.

Ózbekstandyq BAQ-tyń keltirgen dáıegine súıensek, memlekettik statıstıka komıtetiniń málimetinshe ótken jylmen salystyrǵanda bıyl altyn eksporty 2,6 ese artqan. Bul kórsetkish 2019 jyldyń qańtar men qazan aılarynda Ózbekstan eksporttaǵan altyn mólsherinen ulttyq qorǵa 4,04 mıllıard dollar qarjy túsken. Ózbekstanda sońǵy jyldary altyn eksportynyń kúrt óskeni myna kórsetkshterden-aq belgili: 2015 jyly 823,9 mln, 2016 jyly 738,2 mln, 2017 jyly 1,6 mlrd jáne 2018 jyly 2,91 mlrd dollar bolǵan.

Bizdiń kanalymyzǵa jazylyńyz:

Basty sózder: BAQ, Álem,
Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT