+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

Qapshaǵaı jolynda avtojarys uıymdastyrǵan eki azamat ustaldy

2020 jylǵy 26 naýryz 20:47
Bólisińiz:
Qapshaǵaı jolynda avtojarys uıymdastyrǵan eki azamat ustaldy

TALDYQORǴAN. QazAqparat- Qapshaǵaıdyń jolynda avtojarys uıymdastyrǵan eki azamat ustaldy, - dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, Qapshaǵaı qalalyq polıtsııa bóliminiń polıtsııa qyzmetkerleri jergilikti Instagram pablıkterindegi jarııalanymdarǵa taldaý jasady. Olardyń birindegi beınede avtojarys bastamashylary biriniń jazylýshylardy tartý maqsatynda elimizde engizilgen tótenshe jaǵdaı rejımin saqtaý týraly Qazaqstan Respýblıkasy Prezıdentiniń Jarlyǵyn, sondaı-aq birqatar jol qozǵalysy erejelerin óreskel buzǵandyǵy baıqaldy.

«Oqıǵa aǵymdaǵy jyldyń 24 naýryzynda saǵat 23.30 shamasynda Almaty-Qapshaǵaı tas jolynda «BMV» markaly eki avtokólik quraldarynyń qatysýymen oryn alǵan. Kólik júrgizýshileri ózara «temir tulparlarymen» jarysqan. Qazirgi ýaqytta azamattardyń jeke tulǵalary anyqtaldy, olar Qapshaǵaı qalasynyń turǵyndary bolyp shyqty.

Atalǵan derek boıynsha Ákimshilik quqyqbuzýshylyq týraly birneshe hattama toltyryldy, atap aıtqanda QR ÁQBK 476 baby «Tótenshe jaǵdaı rejımin buzý», 597-babynyń 3-bóligi» basqa kólik quraldarynyń jol júrisine kedergi keltirýge ákep soqqan, kólik quraldaryn joldyń júrý bóliginde toqtatý nemese toqtap turý qaǵıdalaryn buzý» boıynsha», - dedi Qapshaǵaı QPB bastyǵy polıtsııa maıory Manat Aıtmuhanbetov.

Ustalǵandar jarystarynyń durys áreket emes ekendigin moıyndady. Ákimshilik is júrgizý sheshimin qabyldaý úshin is jaqyn arada sotqa jiberiletin bolady.

«Bizdiń mindetimiz - qoǵamdyq tártipti saqtaý jáne azamattardyń qaýipsizdigin qamtamasyz etý. Ásirese eldegi erekshe jáne tótenshe jaǵdaı kezinde. Qazirgi ýaqytta biz barlyq ınternet resýrstarda ornalastyrylǵan barlyq jarııalanymdarǵa muqııat taldaý júrgizemiz. Belgilengen talaptarǵa qaıshy keletin materıaldar boıynsha zańnamaǵa sáıkes qatań sharalar qoldanylýda»,- dep tolyqtyrdy maıor Aıtmuhanbetov.


Bizdiń kanalymyzǵa jazylyńyz:

Basty sózder: Almaty oblysy, Zań, Kólik,
Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT