Qapshaǵaı sý qoımasynda úsh adam qutqaryldy
2022 jylǵy 2 shilde 18:36

Qapshaǵaı sý qoımasynda úsh adam qutqaryldy

NUR-SULTAN. QazAqparat – Qapshaǵaı sý qoımasyndaǵy qalalyq jaǵajaıdy patrýldeý kezinde qutqarýshylar bir kúnde úsh er adamdy qutqaryp qaldy, dep habarlaıdy QazAqparat QR TJM baspasóz qyzmetine silteme jasap.

«Jaǵadan 250 metr qashyqtyqta 1997 jyly týǵan er adamdy qutqaryldy. Ol úrlemeli matrasqa otyryp, jaǵadan alystap ketken. Jaǵadan 400 metr qashyqtyqta taǵy eki er adamdy qutqaryldy. Olardyń biri – 2000 jyly týǵan er adam, sýda aıaǵynyń sińiri tartylyp qalǵan. Endi biri – 1998 jyly týǵan azamat óz kúshin jete baǵalamaı, úreıge boı aldyryp, sýǵa batyp kete jazdady. Qutqarýshylar úsh er adamdy jaǵaǵa evakýatsııalady. Olar medıtsınalyq kómekke muqtaj emes. Sýdaǵy qaýipsizdik erejeleri jáne qutqarý keýdeshesinsiz sýǵa shomylýdyń saldary týraly túsindirme jumystary júrgizildi», - delingen vedomstvo aqparatynda.


Vıdeodan alynǵan kadr

Uqsas jańalyqtar
Seriktester jańalyqtary

Jańalyqtar

Úrdis

MURAǴAT