+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Qańtardan bastap kirisi tómen azamattarǵa qaryz berýge tyıym salynady

2019 jylǵy 15 jeltoqsan 11:56
Bólisińiz:
Qańtardan bastap kirisi tómen azamattarǵa qaryz berýge tyıym salynady

NUR-SULTAN. QazAqparat - 2020 jylǵy 1 qańtardan kirisi eń tómen kúnkóris deńgeıinen az azamattarǵa qaryz berýge tyıym salynady. Bul jaıynda Májilis depýtattarynyń resmı saýalyna oraı QR Ulttyq banki tóraǵasy Erbolat Dosaevtyń bergen jaýabynda aıtylǵan, dep habarlaıdy QazAqparat tilshisi.

Uqsas jańalyqtar
Qazaqstan men Kıpr arasynda qosarlanǵan salyqty boldyrmaý týraly qujat maquldandy Aýdıtorlyq tekserý 198 mlrd teńgeniń qarjylyq buzýshylyqtaryn anyqtady - Smaıylov Qazaqstandyqtardyń qarjy aýdarymdary tekseriledi

Ulttyq bank tóraǵasynyń atap ótýinshe, sońǵy jyldary baıqalǵan tutynýshylyq kredıtteýdiń qarqyndy ósýi búgingi kúni baıaýlady. Tutynýshylyq kredıtteýdiń kepilsiz segmentindegi bereshektiń ósýi 2017-2018 jyldary jylyna sáıkesinshe 31 jáne 28 paıyzdy qurady. Aǵymdaǵy jyldyń 10 aıynda kepilsiz tutynýshylyq qaryz portfeliniń ósýi nebári 8 paıyz boldy. Osy kezeń ishinde qazaqstandyqtardyń ortasha aılyq jalaqysy 16 paıyzǵa ósti. Bul kepilsiz qaryzdar boıynsha bereshektiń ósýinen eki ese kóp. Jeke tulǵalardy kredıtteý naryǵynyń shamasy boıynsha Qazaqstan borysh deńgeıi tómen elderdiń qataryna jatady. Tutynýshylyq qaryzdar portfeliniń JІÓ-ge qatynasy shamamen 9,2 paıyzdy quraıdy. Reseıde bul kórsetkish 14,3, Polshada –30-ǵa jýyq, Germanııada – 40-tan astam, AQSh-ta – 85 paıyzdan astamǵa teń», - dedi Erbolat Dosaev.

Ulttyq bank azamattardyń shamadan tys kredıttelýiniń aldyn alý jáne tutynýshylyq kredıtteýdiń ońtaıly ósý qarqynyn qamtamasyz etý úshin retteý sharalaryn iske asyrýda eken. «Aǵymdaǵy jylǵy 3 shildede Qazaqstan Respýblıkasynyń Prezıdenti «Qazaqstan Respýblıkasynyń keıbir zańnamalyq aktilerine qarjy naryǵyn retteý men damytý, mıkroqarjylyq qyzmet jáne salyq salý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy. Ol 2020 jylǵy 1 qańtardan bastap halyqqa qaryz beretin barlyq zańdy tulǵalarǵa qatysty retteý men qadaǵalaýdy engizýdi kózdeıdi», - dep túsindirdi bank basshysy.

Onyń aıtýynsha, barlyq kredıtteý sýbektileri retteletin bir aıada jumys isteıtin jáne qaryz sharttarynyń talaptaryna qoıylatyn talaptar, shekti syıaqy mólsherlemeleri, kredıttik bıýroǵa aqparat berý, boryshtyq júkteme koeffıtsıentiniń saqtalýy jáne basqalary sııaqty qaryz alýshylardy qorǵaý jónindegi talaptardyń tolyq aıasyn saqtaıtyn bolady.

«Bul rette 2020 jylǵy 1 qańtardan bastap qaryz alýshylardyń boryshtyq júktemesin esepteý tásilderi ózgertildi – kirisi eń tómen kúnkóris deńgeıinen tómen azamattarǵa qaryz berýge tyıym salý engizildi, sondaı-aq bankterdiń menshikti kapıtalynyń jetkiliktiligine qoıylatyn talaptar kúsheıtildi, bul bankterdiń kepilsiz tutynýshylyq qaryzdardy, ásirese kirisi tómen azamattarǵa berýine ekonomıkalyq yntasyn tómendetedi. Sonymen qatar, 90 kúnnen asa merzimi ótken bereshegi bar jeke tulǵalardyń barlyq kepilsiz tutynýshylyq qaryzdary boıynsha turaqsyzdyq aıyby men komıssııalardy esepteýge tyıym salý jóninde zańnamalyq aktilerge túzetýler ázirlendi. Osy arqyly kepilsiz tutynýshylyq qaryzdar boıynsha bereshektiń úzdiksiz ósýi shekteletin bolady», - dedi ol.

Bizdiń kanalymyzǵa jazylyńyz:

Basty sózder: QR Ulttyq banki, Ekonomıka,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT