Qańtardaǵy jappaı tártipsizdik kezinde 1700 adam japa shekken
2022 jylǵy 4 sáýir 17:55

Qańtardaǵy jappaı tártipsizdik kezinde 1700 adam japa shekken

NUR-SULTAN. QazAqparat – Qańtar oqıǵasy boıynsha 1700 jeke jáne zańdy tulǵa qylmystyq ister boıynsha jábirlenýshi dep tanyldy. QR Іshki ister mınıstrligi tergeý departamentiniń bastyǵy Sanjar Ádilov ortalyq kommýnıkatsııalar qyzmetinde ótken brıfıngide osyndaı statıstıka keltirdi, dep habarlaıdy QazAqparat tilshisi.

«Barlyǵy 1 700 jeke jáne zańdy tulǵa qylmystyq ister boıynsha jábirlenýshi bolyp tanyldy. 13 myńnan astam azamattan kýá jáne jábirlenýshi retinde jaýap alyndy. 2400-nan astam saraptama taǵaıyndaldy. Polıtsııa organdarynyń jumysy, eń aldymen, zardap shekken azamattarǵa, bıznes ókilderine járdem kórsetýge jáne keltirilgen zalaldyń ornyn toltyrý boıynsha sharalarǵa baǵyttalǵanyn erekshe atap ótkim keledi. Osy maqsatta azamattardyń jáne kásipkerlik sýbektilerden urlanǵan múlikti tabý jáne alý boıynsha qarqyndy jumys júrgizilip jatyr», - degen ІІM ókili búgingi tańda somasy 338 mıllıon teńgeni quraıtyn urlanǵan múlik tárkilengenin atap ótti.

«Onyń ishinde 12 avtomashına, 319 turmystyq tehnıka, 189 zergerlik buıym, 286 uıaly telefon, 546 kıim, 16 mıllıon teńge bar. Mysaly, Almaty qalasynda Almaty oblysynyń turǵyny ustaldy. Ol 6 qańtarda basqa adamdarmen toptasyp, jappaı tártipsizdikti paıdalana otyryp, Halyq banki fılıalynyń kiretin esigin buzyp, kompıýterler men teledıdarlardy urlaǵan. Urlanǵan zattar alyndy, ustalǵan adam kúzetpen ustaýǵa alyndy, onyń sybaılastaryna qatysty izdestirý is-sharalary júrgizilýde», - dedi Sanjar Ádilov.

Sondaı-aq Aqtóbe qalasynyń jumys istemeıtin turǵynyna qandaı aıyp taǵylyp otyrǵanyn aıtty.

«Ol 6 qańtarda Almaty qalasynda bolǵan jappaı tártipsizdik barysynda Seıfýllın kóshesindegi «Tehnodom» saýda úıinen jalpy somasy 510 myń teńge kompıýterdiń eki protsessoryn jáne úsh uıaly telefondy urlaǵan. Sottyń sanktsııasymen kúdikti kúzetpen ustaýǵa alyndy. Bul rette onyń Raıymbek kóshesinde ornalasqan «Maksıma» saýda-oıyn saýyq ortalyǵynan kıim urlaýǵa qatysy bary anyqtaldy. Eki epızod boıynsha urlanǵan zattar alyndy», -dedi ІІM tergeý departamentiniń bastyǵy.


Seriktester jańalyqtary

Jańalyqtar

Úrdis

MURAǴAT