Qańtardaǵy tártipsizdikter: úsh adamnan urlanǵan taýarlardyń 200-den astam túri tárkilendi
2022 jylǵy 17 naýryz 22:07

Qańtardaǵy tártipsizdikter: úsh adamnan urlanǵan taýarlardyń 200-den astam túri tárkilendi

NUR-SULTAN. QazAqparat – Kólik polıtseıleri ustalǵan úsh adamnan qańtardaǵy tártipsizdikter kezinde urlanǵan taýarlardyń 200-den astam túrin tárkiledi, dep habarlaıdy QazAqparat tilshisi.

QR ІІM Kóliktegi polıtsııa departamentiniń baspasóz qyzmeti málim etkenindeı, jedel tergeý tobynyń óndirisinde Almaty qalasy halyqaralyq áýejaıynyń ǵımaratynda ornalasqan dúkendegi urlyq deregi boıynsha sotqa deıingi tergeý materıaldary qaralýda.

Kóliktegi polıtsııa departamentiniń bastyǵy Ońal Bekeevtiń aıtýynsha, abonenttik baılanystar týraly derekterdi taldaý, sondaı-aq beınebaqylaý kameralarynan beınejazbalardy qaraý kezinde úsh kúdikti anyqtaldy: apaly-sińlili ekeý jáne olardyń biriniń kúıeýi.

Bulardyń bári de – Almaty oblysynyń turǵyndary. 5 qańtardan 6-syna qaraǵan túni olardyń áýejaıda bótenniń múlkin jymqyrǵany belgili boldy.

«Kúdiktilerdiń turǵylyqty jerin tekserý barysynda zattaı dáleldemeler: elıtalyq alkogol, sondaı-aq 130 ataýdan turatyn parfıýmerlik jáne kosmetıkalyq buıymdar tárkilendi. Oǵan qosa kofehanadan, kádesyı dúkeninen jáne dárihanadan urlanǵan 94 taýar tabyldy», dedi polıtsııa general-maıory.

Atalǵan derek boıynsha QR QK 188-babyna (urlyq) sáıkes sotqa deıingi tergeý amaldary júrgizilýde. 40 jastaǵy er adamǵa qatysty qamaýǵa alý túrindegi bultartpaý sharasy sanktsııalandy. Al 34 jáne 26 jastaǵy áıelderden jas balalarynyń bolýyna baılanysty eshqaıda ketpeý jáne ózin-ózi durys ustaý týraly qolhat alyndy.

Eske sala keteıik , budan buryn úsh adamnyń poıyzdyń astyna túsip qala jazdaǵanyn jazǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT