Qańtarda ustalǵan Taldyqorǵan turǵynyn azaptap óltirdi degen kúdikpen eki polıtseı qamaldy
2022 jylǵy 25 sáýir 17:35

Qańtarda ustalǵan Taldyqorǵan turǵynyn azaptap óltirdi degen kúdikpen eki polıtseı qamaldy

NUR-SULTAN. QazAqparat – Taldyqorǵan turǵyny Almas Muqashevtiń ólimine qatysty quqyq qorǵaý organdarynyń 2 qyzmetkeri qamaýǵa alyndy. Bul týraly QR Bas prokýratýrasy 1-qyzmet basshysynyń orynbasary Eldos Qılymjanov aıtty, dep habarlaıdy QazAqparat tilshisi.

Aıta keteıik, Almas Muqashev qańtar oqıǵasynan keıin ustalǵan. Marqumnyń jaqyndary tergeý kezinde tyıym salynǵan ádister qoldanylǵanyn, kóptegen dene jaraqaty salynyp, saldarynan deni saý adamnyń kóz jumǵanyn málimdegen bolatyn.

«Naqty osy kezeńde, ıaǵnı 6-8 qańtar aralyǵynda azamattardyń qaza bolý faktileri tirkeldi. Onyń barlyǵy boıynsha tergeý júrip jatyr. Muqashevtiń ólimine ákep soqqan uryp-soǵý faktisi boıynsha tergeý isimen arnaıy prokýrorlar aınalysyp jatyr. Osy is boıynsha sottyń sanktsııasymen quqyq qorǵaý organdarynyń 2 qyzmetkeri qamaýǵa alyndy», - dedi E. Qılymjanov ortalyq kommýnıkatsııalar qyzmetinde.

Budan buryn habarlanǵandaı, qańtar oqıǵasy boıynsha tergeý organdarynyń qaramaǵynda 5 041 qylmystyq is bar.

Sonymen qatar E. Qılymjanov qańtar oqıǵasy kezinde Almaty oblysynda 16 adam qaza bolǵanyn naqtylady.


Seriktester jańalyqtary

Jańalyqtar

Úrdis

MURAǴAT