+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Qańtar-tamyz aralyǵynda bıýdjet kirisi 7,1 trln teńgege jetti - Erulan Jamaýbaev

2021 jylǵy 14 qyrkúıek 11:28
Bólisińiz:
Qańtar-tamyz aralyǵynda bıýdjet kirisi 7,1 trln teńgege jetti - Erulan Jamaýbaev

NUR-SULTAN. QazAqparat – Jyldyń 8 aıynda bıýdjetke túsken kiris 7 trln 139 mlrd teńgege jetken, dep habarlaıdy QazAqparat tilshisi.

Uqsas jańalyqtar
Májilis jańa úsh jyldyq bıýdjet jobasyn maquldady Bıýdjettiń áleýmettik baǵyttylyǵy saqtaldy – Qarjy mınıstri 9 aıdaǵy respýblıkalyq bıýdjettiń shyǵyny qansha

Bu týarly Úkimet otyrysynda QR Qarjy mınıstri Erulan Jamaýbaev aıtty.

Onyń aıtýyna qaraǵanda, tamyz aıynyń sońyndaǵy málimet boıynsha, memlekettik bıýdjetke 7 trln 139 mlrd teńge somasynda kiris túsip, jospar 105,3%-ǵa oryndalǵan. Sonyń ishinde respýblıkalyq bıýdjetke 4,6 trln teńge túsip, jospar 100,7%-ǵa júzege asyrylǵan. .

«Kirister boıynsha jospar 30 mlrd teńgege asyra oryndaldy. Onyń ishinde salyq jospary 17 mlrd teńgege artyq oryndaldy. Salyqtar boıynsha asyra oryndaýdyń negizgi somalary ishki óndiris taýarlaryna salynatyn qosylǵan qun salyǵyna, paıdaly qazbalardy óndirýge salynatyn salyqqa, korporatıvtik tabys salyǵyna tıesili boldy», - dedi mınıstr.

Alaıda shıki munaıǵa salynatyń eksporttyq keden bajy boıynsha jospar oryndalmaǵan.

«Bul Teńiz ken ornynda kúrdeli jóndeý júrgizilýine jáne shıki munaı óndirý kóleminiń tómendeýine baılanysty boldy. Importqa qosylǵan qun salyǵy boıynsha jospardyń oryndalmaýy ótken jyldyń 7 aıymen salystyrǵanda úshinshi eldermen taýar aınalymynyń 6,7%-yna nemese 875 mln dollarǵa, onyń ishinde shilde aıynda ımport kóleminiń 26%-yna nemese 645 mln dollarǵa tómendeýine baılanysty boldy», - dedi vedomstvo basshysy.

Sondaı-aq, Qarjy mınıstri salyqtyq emes túsimderdiń qalaı ózgergenine toqtaldy. Aıtýynsha, munda jospar asyra oryndalǵan. Oǵan negizinen memlekettik organdar salatyn aıyppuldar, ósimpuldar, sanktsııalar jáne óndirip alýlar esebinen sebepker bolǵan.

«Jergilikti bıýdjetterdiń kiristeri 115%-ǵa atqaryldy jáne 2 trln 547 mlrd teńgeni qurady. Jospar 332 mlrd teńgege, onyń ishinde salyqtar boıynsha 280 mlrd teńgege asyra oryndaldy.Kirister boıynsha josparlar barlyq óńirlerde asyra oryndaldy», - dedi Erulan Jamaýbaev.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT