Qańtar oqıǵasyna qatysty 834 adam sottaldy
2022 jylǵy 16 tamyz 17:29

Qańtar oqıǵasyna qatysty 834 adam sottaldy

NUR-SULTAN. QazAqparat – Qańtar oqıǵasyna qatysty 834 adam sottaldy. Bul týraly QR Bas prokýratýrasy 1-qyzmet bastyǵynyń orynbasary Eldos Qılymjanov aıtty, dep habarlaıdy QazAqparat tilshisi.

«Jalpy elimiz boıynsha tergeý organdary 5 300-den astam qylmystyq isti tirkedi. Olardyń basym kópshiligi – urlyq, tonaý, qarýdy saqtaý jáne ózge de qylmystar. Tergeý amaldaryn júrgizý úshin barlyǵy 1 237 kúdikti qamaýǵa alyndy», - dedi ol Ortalyq kommýnıkatsııalar qyzmetindegi brıfıng barysynda.

Onyń aıtýynsha, jeke basyn, densaýlyq jaǵdaıyn sıpattaıtyn materıaldardy eskerip, 284 adamnyń qamaýǵa alynýy eshqaıda ketpeý týraly qolhatqa, kepil, úıqamaqqa jáne jeke kepilgerlikke aýystyryldy.

«955 kúdikti adam isi sotqa berilip, túrli jazalarǵa 834 adam sottaldy. Onyń ishinde 636 adamǵa bas bostandyǵynan aıyrýǵa baılanysty emes jaza kesildi», - dedi Eldos Qılymjanov.


Seriktester jańalyqtary

Jańalyqtar

Úrdis

MURAǴAT