Qańtar oqıǵasyn tergeý úlken qıyndyqpen ótip jatyr – Prezıdent
2022 jylǵy 15 maýsym 16:58

Qańtar oqıǵasyn tergeý úlken qıyndyqpen ótip jatyr – Prezıdent

NUR-SULTAN. QazAqparat – QR Prezıdenti Qasym-Jomart Toqaev qańtar oqıǵasyn tergeýge qatysty suraqqa jaýap berdi, dep habarlaıdy QazAqparat tilshisi.

«Almatyda memlekettik tóńkeriske, Memleket basshysyn laýazymynan yǵystyrýǵa talpynys boldy. Biz munyń tájirıbeli kásibılerdiń jaqsy uıymdastyrǵan aktsııasy bolǵanyn túsinemiz. Olar adamdardy ákimshilik ǵımarattarǵa bastap bardy. Sonymen qatar osy oqıǵalar kezinde 3 myńnan astam qarý urlandy. Olardyń basym bóligi áli kúnge deıin qolda júr. Biz tergeýdi úlken qıyndyqpen júrgizip jatyrmyz. Sebebi, osy oqıǵalardyń uıymdastyrýshylary men úılestirýshileri ózderin barynsha kásibı ustap, barlyǵyn áshkereleýge múmkindik beretin óte mańyzdy izderdi jasyra aldy», - dedi Qasym-Jomart Toqaev reseılik jýrnalıst Andreı Kondrashovqa bergen suhbatynda.

Degenmen, Memleket basshysynyń atap ótýinshe, vedomstvoaralyq arnaýly top memlekettik tóńkeris jasaýǵa baǵyttalǵan osynaý talpynystyń barlyq mán-jaıyn ashý úshin tabandy túrde jumys istep jatyr.

«Almatyǵa óte qatygezdikpen shabýyl jasaldy. Adamdar óte qatty zorlyq-zombylyqqa ushyrady, dárigerler, qarapaıym adamdar. Úlken bazarlardan kelgen maroderler óte kóp boldy. Almaty ákimdigi men Prezıdent rezıdentsııasynyń órtengenin aıtyp ta otyrǵanym joq. Almatyda oryn alǵan oqıǵaǵa jeńil qaraýǵa bolmaıdy», - dedi QR Prezıdenti.

Qasym-Jomart Toqaev tragedııa aýqymynyń úlkendigin jáne qysqa merzimde barlyq mán-jaıdy ashýdyń qıyndyǵyn basa aıtty.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT