Qańtar oqıǵasyn tergeý negizinen tártipsizdik pen terrorızmge qatysty júrip jatyr
2022 jylǵy 30 maýsym 17:56

Qańtar oqıǵasyn tergeý negizinen tártipsizdik pen terrorızmge qatysty júrip jatyr

NUR-SULTAN. QazAqparat – Qańtar oqıǵasyna qatysty tergeý jumysy negizinen jappaı tártipsizdik jáne terrorızm aktileri boıynsha júrgizilip jatyr. Bul týraly QR Bas prokýratýrasy 1-qyzmet bastyǵynyń orynbasary Eldos Qılymjanov aıtty, dep habarlaıdy QazAqparat tilshisi.

«Qylmystyq qýdalaý organdarymen qańtar oqıǵasynyń barlyq sebebi men mán-jaıyn anyqtaý baǵytynda jumys jalǵasyp jatyr. Jumystyń negizgi kólemi jappaı tártipsizdikter men terrorızm aktilerimen júrgizilýde. Іster boıynsha myńnan astam adam kúdikti dep tanyldy. Árqaısymen jaýap alý, bettestirý, oqıǵa ornyn naqtylaý jáne basqa keshendi tergeý áreketteri júrgiziledi», - dedi ol Ortalyq kommýnıkatsııalar qyzmetindegi brıfıng barysynda.

Onyń aıtýynsha, tek arnaıy prokýrorlardyń isteri boıynsha 30 myńnan astam tergeý áreketi júrgizilgen.

Saraptama uıymdarynyń óndirisinde úsh myńnan astam zertteý bar.

«Búkil jumys qylmysqa ár qatysýshysynyń rólin anyqtaý, onyń áreketterin obektıvti baǵalaý jáne zańdy protsestik sheshim qabyldaý úshin jasalady. Tolyq, obektıvti jáne jan-jaqty tergeý júrgizý úshin qylmystyq qýdalaý organdary búkil kúsh-jigerin jumsap jatyr», - dedi Bas prokýratýra ókili.


Seriktester jańalyqtary

Jańalyqtar

Úrdis

MURAǴAT