Qańtar oqıǵasy: Jappaı tártipsizdik boıynsha 58 jáne terrorızmge qatysty 8 qylmystyq is tergelýde
2022 jylǵy 30 maýsym 17:26

Qańtar oqıǵasy: Jappaı tártipsizdik boıynsha 58 jáne terrorızmge qatysty 8 qylmystyq is tergelýde

NUR-SULTAN. QazAqparat –Qańtardaǵy jappaı tártipsizdikter boıynsha 58 jáne terrorızm aktilerimen 8 qylmystyq is bar. Bul týraly QR Bas prokýratýrasy 1-qyzmet bastyǵynyń orynbasary Eldos Qılymjanov aıtty, dep habarlaıdy QazAqparat tilshisi.

«Bas prokýratýra qańtar oqıǵalaryna baılanysty qylmystyq isterdi tergeý barysy týraly habarlaýdy jalǵastyrýda. Qıratýlar, memlekettik obektilerdi órteý, múlikterdi joıý jáne terrorızm aktileri Almaty, Shymkent qalalarynda, Aqtóbe, Atyraý, Almaty, Jambyl, Qyzylorda jáne Shyǵys Qazaqstan oblystarynda jasalǵany belgili. Sol qaıǵyly kúnderi qylmyskerler áskerılerge shabýyl jasap, joldyń júrý bóligin jaýyp, avtokólikterdi órtep, azamattardy tártipsizdikterge qatysýǵa kóndirgen jáne tonaýlar jasaǵan», - dedi ol Ortalyq kommýnıkatsııalar qyzmetindegi brıfıng barysynda.

Onyń atap ótýinshe, qoǵamdyq qaýipsizdik pen quqyqtyq tártipti qamtamasyz etýdi buǵattaý úshin olar polıtsııa organdarynyń ǵımarattaryna shabýyldar jasady.

«Búgingi kúni arnaıy prokýrorlardyń is júrgizýinde jappaı tártipsizdikter boıynsha 58 jáne terrorızm aktilerimen 8 qylmystyq is bar. Aıaqtalýyna qaraı ister sotqa joldanýda», - dedi Bas prokýratýra ókili.


Uqsas jańalyqtar

Jańalyqtar

Úrdis

MURAǴAT