Qańtar oqıǵasy: UQK qyzmetkerleri azaptaý isi boıynsha tergelip jatyr
2022 jylǵy 22 maýsym 13:08

Qańtar oqıǵasy: UQK qyzmetkerleri azaptaý isi boıynsha tergelip jatyr

NUR-SULTAN. QazAqparat – Qańtar oqıǵasyna qatysty QR Ulttyq qaýipsizdik komıtetiniń qyzmetkerleri azaptaý isi boıynsha tergelip jatyr. Bul týraly QR UQK tóraǵasynyń orynbasary Asqar Ámirhanov aıtty, dep habarlaıdy QazAqparat tilshisi.

Parlament Májilisinde tilshiler qańtar oqıǵasy boıynsha azaptaý isterine UQK qyzmetkerleriniń qatystylyǵy jóninde suraq qoıdy.

Óz kezeginde Asqar Ámirhanov ondaı qyzmetkerler bar ekenin, alaıda buǵan qansha adam qatysty ekenin aıta almaıtynyn jetkizdi.

«Olar «Azaptaý» baby boıynsha tergelip jatyr. Іsti qarastyrý merzimin tergeý anyqtaıdy. Bul rette osy merzim jarty jylǵa deıin sozylýy múmkin», - dedi Ulttyq qaýipsizdik komıteti tóraǵasynyń orynbasary.

Budan buryn habarlanǵandaı, Asqar Ámirhanov UQK-nyń burynǵy basshysy Kárim Másimovke qatysty isti tergeý barysy týraly aıtty.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT