Qańtar oqıǵasy: Shymkenttik polıtseı buzaqylardyń avtobýsty órteýine jol bermegen
2022 jylǵy 23 qańtar 09:38

Qańtar oqıǵasy: Shymkenttik polıtseı buzaqylardyń avtobýsty órteýine jol bermegen

ShYMKENT. QazAqparat – Jappaı tártipsizdik kezinde shymkenttik polıtseı buzaqylarǵa tosqaýyl bolyp, jolaýshylar avtobýsyn órteýge jol bermegen, dep habarlaıdy QazAqparat tilshisi.

Ál-Farabı APB krımınaldyq polıtsııa bóliminiń jedel ýákili, polıtsııa aǵa leıtenanty Jalǵashan Tolybaıdyń áreketi áleýmettik jelide qyzý talqyǵa túsip, keńinen taraldy.

Kópshilik qaýym tártip saqshysynyń antyna degen adaldyǵyna tánti boldy.

Al, avtobýsqa ıelik etetin mekeme basshylyǵy polıtsııa qyzmetkerine arnaıy alǵysyn bildirdi.

«2022 jyldyń 5 qańtarynda Shymkent qalasynda bolǵan jappaı tártipsizdik kezinde «T-BUS» JShS-niń úsh avtobýsyn terrorıster órtep jiberdi. Al tórtinshi avtobýsty Jalǵashan Tolybaı órteýge jol bermedi. Ózi kólik rýline otyryp, qaýipsiz jerge aman-saý jetkizgen. Jalǵashan Orazalyulyna mekeme atynan alǵysymyzdy jetkize otyryp, qyzmetine tabys, januıasyna amandyq tileımiz», -deıdi «T-BUS» JShS basshysy R.J.Nurmuhamedov.

Jalǵashan Tolybaı - Túrkistan oblysy Jetisaı qalasynyń týmasy. Almaty qalasy ІІM akademııasynyń túlegi.

Eńbek jolynda Túrkistan oblysy Ordabasy aýdanynda ýchaskelik polıtsııa ınspektory qyzmetin atqarǵan.

Qazirgi tańda jas polıtseı Ál-Farabı APB krımınaldyq polıtsııa bóliminiń jedel ýákili bolyp abyroıly eńbek etip júr.


Jańalyqtar

MURAǴAT