Qańtar oqıǵasy kezinde Shymkentte eshkim oq atýǵa ruqsat bergen joq – Murat Áıtenov
2022 jylǵy 1 shilde 12:52

Qańtar oqıǵasy kezinde Shymkentte eshkim oq atýǵa ruqsat bergen joq – Murat Áıtenov

ShYMKENT. QazAqparat – Qańtar oqıǵasy kezinde Shymkentte eshkim oq atýǵa ruqsat bergen joq. Bul týraly ortalyq kommýnıkatsııalar qyzmetinde ótken brıfıngide qala ákimi Murat Áıtenov aıtty, dep habarlaıdy QazAqparat tilshisi.

«Shtabta oq atýǵa tapsyrma bolmaǵan da, bolmaıdy da. Al, biraq búgingi kúni quqyq qorǵaý qyzmetkerleriniń ómirine qaýip tónip tursa, zańǵa sáıkes óz qarýyn qoldanýǵa ruqsaty bar», - dedi Murat Dúısenbekuly.

Sondaı-aq, qala ákimi qańtar oqıǵasyndaǵy vıdeonyń ashyq túrde BAQ arqyly kórsetilgendigin jetkizdi.

«Qolyna temir tersek ustaǵan azamattar polıtsııany uryp jatqany jaıynda vıdeoda da bar. Biz ony ashyq túrde jergilikti BAQ-ta kórsettik. Shymkent qalasynda ustalǵan tártip buzýshylylarǵa túsindirý jumystary júrgizildi. Aıyby dáleldengenderge sot arqyly sheshim shyǵaryldy», - dedi ol.

Aıta keteıik, keshe QR Bas prokýratýrasy 1-qyzmet bastyǵynyń orynbasary Eldos Qılymjanov Shymkent prokýrorlary 35 kúdiktiniń isin sotqa bergenin málimdegen bolatyn.



Foto: ortcom.kz



Uqsas jańalyqtar

Jańalyqtar

Úrdis

MURAǴAT