Qańtar oqıǵasy kezinde ásirese úsh óńirde nysandar qatty tonaldy
2022 jylǵy 25 sáýir 16:00

Qańtar oqıǵasy kezinde ásirese úsh óńirde nysandar qatty tonaldy

NUR-SULTAN. QazAqparat – Jyl basyndaǵy tártipsizdik kezinde 1 502 bıznes nysany tonaldy. Bul týraly QR ІІM Tergeý departamentiniń basshysy Sanjar Ádilov aıtty, dep habarlaıdy QazAqparat tilshisi.

«Sotqa deıingi tergeý nátıjesi aram pıǵyldy adamdardyń kóshedegi tártipsizdikti paıdalanyp, ashyq túrde qasaqana urlyq pen tonaý jasaǵanyn kórsetip otyr. Azamattar men bıznes sýbektileriniń aryzy boıynsha urlyq pen tonaýdyń eń kóbi Almaty qalasynda – 2 myńnan astam, Almaty oblysynda – 204 jáne Jambyl oblysynda 23 fakti tirkeldi», - dedi Sanjar Ádilov ortalyq kommýnıkatsııalar qyzmetinde.

Onyń aıtýynsha, dúkender, kompanııalardyń keńseleri, meıramhanalar jáne ashýly toptyń jolynda ornalasqan basqa da nysandar shabýylǵa ushyrady.

Sonymen qatar bankter men iri saýda ortalyqtaryn tonaý faktileri tirkeldi, jalpy 1 502 bıznes nysany tonaldy.

Budan buryn habarlanǵandaı, qańtar oqıǵasy boıynsha tergeý organdarynyń is júrgizýinde 5 041 qylmystyq is bar.

Sonymen qatar E. Qılymjanov qańtar oqıǵasy kezinde Almaty oblysynda 16 adam qaza bolǵanyn naqtylady.


Seriktester jańalyqtary

Jańalyqtar

Úrdis

MURAǴAT