Qańtar oqıǵasy boıynsha 9 adam azaptaý faktisi boıynsha qamaýda otyr – Bas prokýratýra
2022 jylǵy 29 maýsym 12:01

Qańtar oqıǵasy boıynsha 9 adam azaptaý faktisi boıynsha qamaýda otyr – Bas prokýratýra

NUR-SULTAN. QazAqparat – Qańtar oqıǵasy boıynsha azaptaý áreketi boıynsha 15 adam kúdikke ilingen, onyń 9-y qamaýda otyr. Bul týraly QR Bas prokýratýrasynyń orynbasary Áset Shyndalıev málim etti, dep habarlaıdy QazAqparat tilshisi.

«Qandy qańtar kezinde 238 adam qaza tapty. Onyń ishinde 6 adam azaptaýlardan keıin ólgen. Azaptaý áreketi boıynsha 15 adam kúdikke ilindi. Onyń toǵyzy qamaýda otyr», - dedi Áset Shyndalıev Májilis kýlýarynda.

Sondaı-aq, ol qańtar kezinde qaza bolǵandardyń tolyq tizimin jarııalaý úshin ár qurbannyń qandaı jaǵdaıda ólgeni anyqtalyp bitýi kerektigin eskertti.

«Biz ol kúdiktilerdiń bári kináli dep qazir aıta almaımyz. Tergeý júrip jatyr. Qaıtys bolǵandardyń sany belgili. Biraq tergeý sharalary júrip jatyr. Adam qaı jerde, qandaı jaǵdaıda ólgenin anyqtaý qajet», – dedi Bas prokýrordyń orynbasary.


Seriktester jańalyqtary

Jańalyqtar

Úrdis

MURAǴAT