Qańtar oqıǵasy: Almatyda dúkennen urlanǵan qarýlar tabyldy
2022 jylǵy 3 naýryz 21:10

Qańtar oqıǵasy: Almatyda dúkennen urlanǵan qarýlar tabyldy

ALMATY. QazAqparat - Almatyda turǵyn úılerdiń biriniń aýlasynan qarý-jaraq pen oq-dáriler tabyldy, dep habarlaıdy QazAqparat tilshisi.

Almatyda 7 myltyq pen oq-dáriler jasyrylǵan oryn qalanyń Alataý aýdanynan tabyldy. Polıtsııa departamentiniń málimetinshe, jedel-tergeý toby 12 kalıbrli 7 tegis uńǵyly myltyq, pyshaqtar, 200-den astam patron men optıkalyq kózdeýishterdi tárkiledi.

«Bul qarýlar aǵymdaǵy jyly qańtar aıynyń 5-nen 6-na qaraǵan túni qarý-jaraq dúkeninen urlanǵany anyqtaldy. Qazirgi ýaqytta jedel-izdestirý sharalarymen qarýdy jasyrǵandardyń jeke basy anyqtalýda. Olar odan ári jaýapkershilikke tartylatyn bolady. Atalǵan derek boıynsha QR QK-niń 287-baby 2-bóligine sáıkes sotqa deıingi tergeý amaldary bastaldy», – dedi Alataý aýdandyq polıtsııa basqarmasynyń bastyǵy Іlııas Ómirserikov.


Uqsas jańalyqtar

Jańalyqtar

Úrdis

MURAǴAT