Qańtar oqıǵasy: Adamdar ólimine qatysty kúshtik qurylymnyń 15 qyzmetkeri kúdikke ilindi
2022 jylǵy 16 tamyz 17:17

Qańtar oqıǵasy: Adamdar ólimine qatysty kúshtik qurylymnyń 15 qyzmetkeri kúdikke ilindi

NUR-SULTAN. QazAqparat – Qańtar oqıǵasynda adamdardyń ólimine qatysty kúshtik qurylymdardyń 15 qyzmetkeri kúdikke ilindi. Bul týraly QR Bas prokýratýrasy 1-qyzmet bastyǵynyń orynbasary Eldos Qılymjanov aıtty, dep habarlaıdy QazAqparat tilshisi.

«Quqyq qorǵaý qyzmetkerleriniń ruqsat etilmegen jaýap alý ádisterin qoldanýy saldarynan jappaı tártipsizdikterge qatysýǵa kúdikti 6 adam qaza bolǵany tergeý barysynda anyqtaldy. Bul faktilerdiń barlyǵy arnaıy prokýrorlarmen jan-jaqty tergelip jatyr, kúshtik qurylymdardyń 15 qyzmetkeri kúdikti retinde tanyldy. Olarǵa túrli bultartpaý sharalary tańdaldy», - dedi E.Qılymjanov Ortalyq kommýnıkatsııalar qyzmetindegi brıfıng barysynda.

Onyń aıtýynsha, Taldyqorǵan qalasyndaǵy blokpostarda jáne áskerı bólimniń janynda, sondaı-aq Almaty qalasyndaǵy alańda jekelegen azamattar qaza boldy. Olardyń ólimine birqatar áskerı qyzmetshiniń óz ókilettikterin asyra paıdalanýy sebep bolǵan. Kúdiktiler qylmystyq jaýapkershilikke tartylýda.

«Joǵaryda atap ótkenimdeı, bul protsestiń qıyndyǵyn jáne tergeýdiń aýqymdylyǵyn eskere otyryp, qalǵan adamdardyń qaza bolý mán-jaılary jáne olardyń ólimine kináli adamdardy anyqtaý tergep-tekserýlerdiń aıasynda belgili bolady», - dedi Eldos Qılymjanov.


Foto: ortcom.kz


Seriktester jańalyqtary

Jańalyqtar

Úrdis

MURAǴAT