Qańtar oqıǵalary «Nur Otan» depýtattarynyń laıyqty bedeli joqtyǵyn kórsetti – Prezıdent
2022 jylǵy 28 qańtar 16:04

Qańtar oqıǵalary «Nur Otan» depýtattarynyń laıyqty bedeli joqtyǵyn kórsetti – Prezıdent

NUR-SULTAN. QazAqparat – Máslıhat depýtatynyń tósbelgisin joǵary kabınetterge ruqsattama dep qarastyrmaý kerek. Bul týraly el Prezıdenti Qasym-Jomart Toqaev aıtty, dep habarlaıdy QazAqparat.

«Partııa músheleriniń óńirlerdegi ózekti áleýmettik-ekonomıkalyq problemalardy sheshýge qatysýyn kúsheıtý qajet. Máslıhat depýtatynyń tósbelgisin óńirlik elıtaǵa qatysyn bildiretin aldamshy atrıbýt nemese joǵary kabınetterge ruqsattama dep qarastyrmaý kerek. Bul onyń halyq atynan saılanǵanyn jáne halyq múddesi úshin jumys isteýi qajettiginiń aıǵaǵy. Depýtattar osy túbegeıli aıyrmashylyqty naqty túsinýi kerek. Ázirge bizdiń depýtattardyń azamattar arasynda laıyqty bedeli joq. Bul qańtardaǵy qaıǵyly oqıǵalar kezinde aıqyn kórindi», - dedi Memleket basshysy «Nur Otan» partııasynyń kezekten tys XXI sezinde.

Aıta keteıik, Nur-Sultanda «Nur Otan» partııasynyń kezekten tys XXI sezi jabyq rejımde ótip jatyr. Bekitilgen kún tártibine sáıkes, onda – partııanyń Tóraǵasyn saılaý týraly, jarǵyǵa ózgerister men tolyqtyrýlar engizý týraly jáne saıası keńes quramyna ózgerister engizý týraly úsh másele qaralady.



Jańalyqtar

MURAǴAT