+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Qanshalyqty qasiretti bolsa da, tól tarıhymyzdy umytýǵa bolmaıdy – Máýlen Áshimbaev

2020 jylǵy 30 mamyr 14:09
Bólisińiz:
Qanshalyqty qasiretti bolsa da, tól tarıhymyzdy umytýǵa bolmaıdy – Máýlen Áshimbaev

NUR-SULTAN. QazAqparat - Tarıhtan taǵylym alyp, ult úshin bastaryn báıgege tikken arystarymyzdyń esimderin máńgi ulyqtap ótkenimiz jón. Bul týraly QR Parlamenti Senatynyń Tóraǵasy Máýlen Áshimbaev Facebook-paraqshasynda jazdy, dep habarlaıdy QazAqparat.

«Biz 31 mamyrdy Saıası qýǵyn-súrgin jáne asharshylyq qurbandaryn eske alý kúni retinde atap ótemiz. Bul – halqymyz basynan ótkergen qasiretti jyldar jańǵyryǵy. HH ǵasyrdyń basyndaǵy totalıtarlyq júıeniń saldarynan dástúrli turmysymyz kúshpen ózgertildi. El asharshylyqqa tap bolyp, eki mıllıonǵa jýyq adam kóz jumdy. Júzdegen myń qandasymyz týǵan jerin tastap kóshýge májbúr boldy. Saıası qýǵyn-súrgin jyldary da qazaqqa ońaı tıgen joq. Ulttyń kóshin bastaǵan zııaly tulǵalarymyz tar qapastarǵa qamaldy jáne atý jazasyna kesildi. Olardyń jaqyndary da qýdalaýdan qutyla almady. Biz osyndaı «tar jol, taıǵaq keshýden» bereke men birliktiń, sabyr men tózimniń, úmit pen senimniń arqasynda aman ótip, ata-babamyz ańsaǵan azattyqqa qol jetkizdik. Az ýaqyttyń ishinde eldiktiń irgesin nyǵaıtyp, táýelsiz memleket qurdyq. Qazirgideı kúrdeli kezeńderdiń ózin abyroımen eńserip kelemiz», - dedi Senat spıkeri.

M.Áshimbaev atap ótkendeı, qanshalyqty qasiretti bolsa da, tól tarıhymyzdy umytýǵa bolmaıdy.

«Osyǵan oraı Memleket basshysy tarıhı ádildikti qalpyna keltirý jumystaryn aıaqtap, saıası qýǵyn-súrgin qurbandaryn aqtaý úshin arnaıy memlekettik komıssııa qurýdy tapsyryp otyr.⠀
Shyn máninde, Prezıdentimiz atap kórsetkendeı, ótken ǵasyrdaǵy eń qıly kezeńniń birinde jazyqsyz japa shekkenderdiń rýhyna taǵzym etý – barshamyzdyń perzenttik boryshymyz. Sondyqtan tarıhtan taǵylym alyp, ult úshin bastaryn báıgege tikken arystarymyzdyń esimderin máńgi ulyqtap ótkenimiz jón. Endi eshqashan mundaı zulmat bolmasyn! Táýelsiz Qazaq eli jasaı bersin!», - dep túıindedi palata Tóraǵasy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT