Kanıkýlǵa shyqqan depýtattar qaıda demalady
2022 jylǵy 1 shilde 17:30

Kanıkýlǵa shyqqan depýtattar qaıda demalady

NUR-SULTAN. QazAqparat – Parlamenttiń qos palatasynyń depýttatary keshe kanıkýlǵa shyqty. Osy oraıda, QazAqparat tilshisi olardyń birqataryna habarlasyp, demalystaryn qaıda ótkizetindigin surap kórdi.

Sonymen, Senat depýtaty Murat Baqtııaruly demalysyn Almatyda ótkizbek. Ol óziniń 2014 jyldan beri shetelde demalmaǵanyn da aıtty.

«Men keıingi 7 jylda syrtta demalǵan emespin. Demalysymdy tek elde ótkizemin. Kóbine Katonqaraǵaı, Oqjetpes, Qyzylorda jáne Almatyǵa baramyn. Bul mekenderdiń maǵan tumsa tabıǵaty unaıdy. Ásirese, Oqjetpes pen Katonqaraǵaıdyń sulýlyǵy, aýasynyń tazalyǵy veıtsarııadan asyp túspese, kem emes. Oǵan qosa, ózińniń týyp-ósken jerińe eshteńe jetpeıdi. Ókinishke qaraı, baǵalary sál qymbattaý. Servıs jaǵy tómen. Jetildirý kerek. Sondyqtan, atqarýshy organdar aınalysyp, Úkimet kásipkerlerge sýbsıdııa bólse, onda ózimizdiń jerden artyǵy joq. Men sońǵy ret 2014 jyly shetelde demaldym. Odan keıin múlde shyqpappyn. Bıyl da solaı, elde bolamyn. Almatyǵa barýdy josparlap otyrmyn. Sosyn senbi jáne jeksenbi kúnderi kólge baryp, balyq aýlaımyn. Meniń hobbıim osy», - dedi Murat Baqtııaruly.

Májilis depýtaty Berik Bekjanov bolsa, demalysta el aralap, halyqpen kezdesýdi josparlap otyr. Sondaı-aq, ol kanıkýlǵa shyqqanymen, barlyq depýttatar jaz boıy saılaýshylarmen jumys isteıtinin málim etti.

«Birinshiden, demalysqa erteleý bolyp tur áli. Sebebi, saılaýshylarmen kezdesý kerek. Sondyqtan, osy demalysymyz aıasynda halyqpen júzdesip, el arasynda bolsaq degen oı bar. Al, jalpy meniń jıi baratyn jerim – Saryaǵash. Negizi ońtústik óńirlerde jaqsy demalys oryndary jeterlik. Ásirese, taý bókterindegi Aqsý-Jabaǵyly – tamasha jer. Bıyl da osy jerlerge barýdy josparlaıtyn shyǵarmyn. Degenmen, bir máseleni aıta ketý kerek. Depýtattar kanıkýlǵa ketti dep atalady. Biraq, ol el oılaıtyndaı kanıkýl emes. Biz bul kezeńde depýtattyq jumysymyzdy óńirlerde jalǵastyramyz», - dep josparymen bólisti depýtat.

Taǵy bir Májilis depýtaty Іlııas Bularov birden eki aıǵa arnalǵan josparyn jarııalady. Ol jaz maýsymynda Qordaı men Almatyda em almaq.


«Demalysymyzdyń alǵashqy kúni Almaty qalasyndaǵy Alataý aýdanynda kezdesý ótkizdim. Onda memlekettik tildi damytý máselelerin talqyladyq. Endi Jambyl oblysynyń Qordaı aýdanyna ketip bara jatyrmyn. Ózderińizge málim, ol jaqta sel júrip, turǵyndar zardap shekti. Etnomádenı ortalyqtardyń ókilderi jáne selolyq okrýg ákimderimen birlesip, 3 mln teńgeden astam qarjy jınadyq. Sol qarajatty selden zardap shekken adamdarǵa beremiz. Al, 4 shildeden bastap bir apta kóleminde Qordaıda em alamyn. Sodan keıin 19-29 shilde aralyǵynda Almatydaǵy QR Prezıdentiniń Іs Basqarmasyna qarasty sanatorııde emdelemin, demalamyn. Al, aıdyń sońyna qaraı Úsharal qalasyna baramyn. Ol jerde umytylǵan birneshe aýyl bar. Solardyń tynys-tirshiligimen tanysyp qaıtpaqpyn. Sondaı-aq, tamyzda Jarkentke baryp, eldi mekenniń ahýalyn kórýdi josparlap otyrmyn», - dep aldaǵy saparlaryn baıandady Іlııas Bularov.
Uqsas jańalyqtar
Seriktester jańalyqtary

Jańalyqtar

Úrdis

MURAǴAT