+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Kanıkýl aıaqtalǵan soń oqýshylar onlaın oqýǵa kóshýi múmkin

2020 jylǵy 16 naýryz 13:54
Bólisińiz:
Kanıkýl aıaqtalǵan soń oqýshylar onlaın oqýǵa kóshýi múmkin

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov Facebook paraqshasynda koronavırýsqa baılanysty bilim salasynyń aldynda turǵan birqatar máselege nazar aýdartty, dep habarlaıdy QazAqparat tilshisi.

Uqsas jańalyqtar
Ótken táýlikte 51 adam koronavırýs pnevmonııasynan emdelip shyqty Qazaqstanda koronavırýstan aıyqqan naýqastar sany 102530-ǵa jetti Ótken táýlikte  69 adam koronavırýs ınfektsııasyn juqtyrǵan

«Memleket basshysy Qasym-Jomart Toqaev Úkimetke halyqty koronavırýstyq ınfektsııadan qorǵaý sharalaryn kúsheıtýdi mindettegenin bilesizder. QR Prezıdentiniń tapsyrmasyn oryndaý aıasynda tıisti jumys atqarylýda. Bilim berý uıymdaryna, mınıstrlikke qarasty mekemelerdiń jumysyna, pedagogter men oqýshylardyń ózara is-qımylyna, oqý protsesin uıymdastyrýǵa qatysty tapsyrmalar kórsetilgen Bilim jáne ǵylym mınıstrliginiń arnaıy buıryǵy jiberildi», - dep jazdy mınıstr.

Sonymen qatar mınıstr birqatar máselege nazar aýdartty.

1. Mektepke deıingi bilim mekemeleri shtattyq rejimde jumys isteýde. Balabaqshaǵa balalardy aparý nemese aparmaý máselesi ata-analarynyń qalaýyna baılanysty. Kelmegeni úshin balabaqshadan shyǵarylmaıdy. ıAǵnı, balańyzdy balabaqshaǵa aparmasańyz, orny saqtalady. Sondyqtan, ata-analarǵa múmkindiginshe búldirshinderdi úıde qaldyrýǵa keńes beriledi.

2. 16 naýryzdan bastap memlekettik qosymsha bilim beretin uıymdardyń qyzmeti toqtatyldy. Oǵan oqýshylar men jasóspirimder saraıy, mýzyka, kórkemsýret, óner mektepteri jáne t.b. jatady. QR BǴM Balalar quqyǵyn qorǵaý komıteti qazirgi jaǵdaıdy eskere otyryp, ata-analarǵa balalaryn jekemenshik damytý ortalyqtaryna da aparmaýǵa keńes beredi.

3. 2020 jylǵy 16 naýryzdan bastap 5 sáýirge deıin balalar kóktemgi demalysta bolady. Osy ýaqyt aralyǵynda mektep muǵalimderi qashyqtan jumys isteıdi. Áriptesterimiz ádistemelik jáne sabaqqa daıyndyq jumystaryn úıde otyryp oryndaı aady. Al mektep dırektorlary pedagogterdiń qashyqtan jumys isteýi jáne kanıkýl kezinde atqarylatyn jumys kólemine saı aılyqty tolyq tóleý týraly aktilerdi qabyldaıdy.

Kanıkýl aıaqtalǵan soń qajet bolǵan jaǵdaıda oqýshylardy qashyqtan oqytý úshin daıyndyq jumysy júrgizilýde. Bul turǵyda arnaıy top aqparattyq júıeni kontentpen qamtamasyz etý, pedagogterdi úıretý, servısterdi testileý jáne basqa baǵyttar boıynsha jumys atqarýda. Uıymdastyrý jumystaryn 5 sáýirge deıin aıaqtaýymyz qajet. Bizde birneshe elektrondy platforma bar, qarqyndy jumys júrip jatyr.

4. 16 naýryzdan bastap kolledjder men JOO stýdentteri qashyqtan oqytý tehnologııalary negizinde bilim alýǵa kóshýde. Oqytý protsesi bekitilgen oqý júktemesine, josparyna, baǵdarlamasy men kestege saı júrgiziledi.

5. Oqý protsesin uıymdastyrý úshin pedagogter men stýdentterge elektrondyq platformalarǵa kirýge jaǵdaı jasalady. Oqytý quraly retinde vıdeo-sabaqtar, derbes onlaın-jumys, onlaın-kýrstar paıdalanylady. Bizde «Bilimland», «Google Classroom», «MOODLE», «Univer», «Platonus», «Canvas», «Daryn.online» syndy jaqsy júıeler bar. Sondaı-aq «Coursera» óz kýrstaryn tegin usyndy jáne «ZOOM» oqytý barysynda servısti tegin paıdalanýǵa jaǵdaı jasady.

«Aıta keteıin, joǵary oqý oryndary úshin qashyqtan oqytý júıesi jańashyldyq emes. QR BǴM buıryqqa qol qoıǵan sátten bastap, arnaıy tehnologııalardy paıdalanyp júrgen keıbir JOO onlaın-formatta oqytýdy bastap ketti. Tehnıkalyq jáne kásiptik bilim berý uıymdarynda qashyqtan oqytýdyń shamaly kúrdeli jaqtary bar. Degenmen de kolledjderdiń basym bóligi tıisti júıe boıynsha jumys istep kórgen. Qalǵandary qatarǵa qosylýda. Qazirgi ýaqytta arnaıy júıelerge kontent júkteý, OÁK engizý, SBR boıynsha úlken jumys atqarylýda», - deıdi mınıstr.

Kolledjder men joǵary oqý oryndary pedagogteriniń de qashyqtan jumys isteýine jaǵdaı jasalaýy kerek. JOO men kolledj basshylaryna osyǵan qatysty tıisti tapsyrma berilgen.

6. Jataqhanalarǵa qatysty saýaldar jetkilikti. Bılet nemese qarjy tapshylyǵy syndy ártúrli jaǵdaılarǵa baılanysty qaladan kete almaıtyn stýdentter jataqhanalarda tura beredi. Biraq olar tek óz bólmesinde bolýy tıis.

7. Pedagogterdiń biliktiligin arttyrý kýrstary onlaın-formatta ótkiziledi. Keıbir kýrstardyń ótkizý merzimi bıylǵy jyldyń ekinshi jartyjyldyǵyna aýystyryldy.

8. Jalpy bilim beretin pánder boıynsha oqýshylardyń respýblıkalyq olımpıadasy men aýyl mektepterine arnalǵan «Myń bala» ulttyq zııatkerlik olımpıadasynyń IV kezeńin jáne basqa da konkýrstardy ótkizý merzimi keıinge shegerildi.

9. Bilim alýshylar men tárbıelenýshilerdiń halyqaralyq sporttyq, mádenı, týrıstik is- sharalarǵa qatysýyna tyıym salyndy. Sondaı-aq buqaralyq is- sharalar ótkizýge bolmaıdy.

10. Bilim uıymdaryna bilim berýdiń barlyq deńgeıleri boıynsha oqý protsesin uıymdastyrý jónindegi QR BǴM ádistemelik usynystary berildi. Qajet bolǵan jaǵdaıda olar jańartylyp otyrady.

«Pandemııa kezeńinde kem degende 15 memleket mektepterdi ýaqytsha jabý týraly sheshim qabyldaǵan. Taǵy 14 eldiń belgili bir óńirlerinde orta bilim berý uıymdarynyń jumysy toqtatyldy. Osylaısha, mektepterdi ýaqytsha jabý máselesi Azııa, Eýropa, Taıaý Shyǵys jáne AQSh sııaqty memleketterdi aınalyp ótpedi. Osyǵan baılanysty balalar men stýdentterge bilim berý jáne oqý protsesiniń úzdiksiz jalǵasýyn qadaǵalaý basty nazarǵa alynyp otyr. Bul - bizdiń eldegi bilim berý júıesi úshin úlken syn ári mańyzdy mindet. Alǵa qoıǵan tapsyrmalardy bizdiń pedagogter, ata-analar, oqýshylar men stýdentterimizdiń belsendi atsalysýy arqyly birge oryndaımyz dep senemin», - dep túıindedi sózin Ashat Aımaǵambetov.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT