«Kanelonyń» bapkeri Golovkınmen bolatyn kezdesýge qatysty málimdeme jasady
2022 jylǵy 29 maýsym 07:29

«Kanelonyń» bapkeri Golovkınmen bolatyn kezdesýge qatysty málimdeme jasady

NUR-SULTAN. QazAqparat – Meksıkalyq boksshy Saýl «Kanelo» Alvarestiń (57-2-2, 39 KO) bapkeri Eddı Reınoso qazaqstandyq Gennadıı Golovkınmen (42-1-1, 37 KO) ótetin úshinshi kezdesýge qatysty málimdeme jasady, dep habarlaıdy QazAqparat Sports.kz saıtyna silteme jasap.

«Kanelo» bul joly tegeýrindi qarsylyq kórsetedi. Ol alǵashqy raýndtan bastap-aq Golovkındi soqqynyń astyna alady. Biz osy qarqyndy ekinshi raýndta da báseńdetpeımiz. Sóıtip jeńiske jetemiz degen oıdamyn. Bizdiń bul jolǵy jeńisimiz senimdi bolady, biz oǵan barymyzdy salamyz jáne burynǵyǵa qaraǵanda belsendirek áreket etemiz. Saýl nokaýtpen jeńedi degen úmittemin»,-dep málimdedi Reınoso.

Aıta keteıik, Golovkın-«Kanelo» kezdesýi 17 qyrkúıekte Las-Vegastaǵy «AQSh» T-Mobile Arena-da ótedi. Eki boksshynyń alǵashqy kezdesýi 2017 jyly ótip, ekeýi teń túsken bolatyn. Alaıda bul jaǵdaı qalyń kópshilik arasynda úlken daý týdyrdy. 2018 jyly ekinshi kezdesý ótip, tóreshilerdiń sheshimimen «Kanelo» jeńiske jetti degen sheshim qabyldandy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT