+7 (701) 759 90 19
USD 377.86 EUR 418.74
RUB 6.10 CNY 54.50
Jańalyqtar

Qandasymyz Aqnar Adaqqyzy álem chempıonatynda altyn aldy - Sheteldegi qazaq tildi BAQ-qa sholý

2019 jylǵy 1 jeltoqsan 14:58
Bólisińiz:
Qandasymyz Aqnar Adaqqyzy álem chempıonatynda altyn aldy - Sheteldegi qazaq tildi BAQ-qa sholý

NUR-SULTAN. QazAqparat- «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
Qandastar úshin daıyndyq kýrsy ashylyp, 1 myń grant bólindi Álemniń 11 elindegi qandastarǵa qazaq tili  kýrstaryn uıymdastyrý josparlanýda Shetelden kóship keletin qandastardyń qujatyn rásimdeýge bir tereze qaǵıdaty engiziledi

Qandasymyz Aqnar Adaqqyzy álem chempıonatynda altyn aldy - «Jenmın jıbao» (People Daily)

Jastar arasyndaǵy konkımen júgirýden 2019-2020 jylǵy Álem kýbogynyń eki kezeńine qatysqan Aqnar Adaqqyzy altynnan alqa taqty, dep habarlaıdy kazakh.people.com.cn saıty.

Atalǵan BAQ-tyń jazýynsha, Qytaıda turatyn qandasymyz Aqnar Adaqqyzy Norvegııada ótken jastar arasyndaǵy konkımen júgirýden Álem kýbogynyń 1-shi kezeńi men Nıderlandtta ótken 2-shi kezeńinde qatarynan eki bas júldeni qanjyǵalaǵan. Ol osy eki chempıonatta da áıelder arasyndaǵy 3000 metr qashyqtyqtaǵy komandalyq jarysta jáne jeke qashyqtyq básekesinde altyn medalǵa qol jetkizgen. Aqnar Adaqqyzy Norvegııadaǵy Álem kýbogynyń alǵashqy kezeńinde 3000 metrlik qashyqtyqtaǵy jarysta 4 mınýt 24,799 sekýndta kelse, Nıderlandydaǵy chempıonatta osy qashyqtyqty 4 mınýt 20,580 sekýndta baǵyndyrǵan. Sonymen qatar Nıderlandyda ótken álem kýbogynyń ekinshi matchynda áıelder arasyndaǵy sprınterlik kópsaıysta Aqnardyń komandasy qola medal jeńip alǵan.

Aaqnar Adaqqyzy 1999 jyly Qytaıdyń Shyńjan ólkesiniń Quttybı aýdanynda týǵan. Qazirgi kúni Aqnar konkımen júgirýden Qytaı quramasynyń múshesi. Ol osy ýaqyttarǵa deıin de talaı márte respýblıkalyq jáne halqaralyq jarystardyń bas júldesin jeńip alǵan.

Azııa chempıonatynda Jandos pen Janargúl qola júldeger atandy - kaznews.mn

Mońǵolııa astanasy Ulanbatyr qalasynda bokstan jastar arasyndaǵy Azııa chempıonatynda Jandos Asqaruly men B.Janargúl qola júldeger atandy, dep jazady Mońǵolııanyń KAZNEWS aqparattyq portaly.

«Bokstan jastar arasyndaǵy Azııa chempıonatynda Mońǵolııa erler quramasynda 64 keli salmaq dárejesinde óner kórsetken Jandos Asqaruly qola júldeger atandy. Ol qola medal úshin saıysta qyrǵyz boksshysy E.Baqtybekulyn 5:0 esebimen utyp, jartylaı fınalda ózbekstandyq boksshydan utylyp qaldy. Al, qyzdar arasyndaǵy -48 keli salmaqta óner kórsetken B.Janargúlde Azııa chempıonatynan qola medal ıelendi. Ol, jartylaı fınalda QHR-nyń sportshysyna ese jiberip aldy», - dep jazady kaznews.mn.

Qytaıda qazaqtilinde shyǵatyn eki jýrnal oqyrmandarymen kezdesý ótkizdi - Qytaıdyń «Ortalyq halyq radıosy» (CNR)

Qytaı elindegi qazaqtilinde shyǵatyn «Shuǵyla» jýrnaly men «Mura» jýrnalynyń redaktsııasy Úrimji qalasynda jýrnaldyń turaqty avtorlarymen jáne oqyrmandarymen kezdesý ótkizdi, dep habarlaıdy Qytaılyq kazakcnr.com saıty.

Atalǵan BAQ-tyń jazýynsha, bul jolǵy is-shara Shyńjan ólkesiniń ádebıet-kórkemóner qoǵamynyń quryltaıshylyǵymen shyǵatyn «Shuǵyla» jáne «Mura» jýrnaldarynyń aldaǵy ýaqytta taralymyn kóbeıtip, oqyrman suranysyna saı basylymǵa jańa mazmundy shyǵarmalardy, tyń týyndylardy tartý úshin uıymdastyrylǵan.

«...Qytaı elinde qazaqtilinde aıyna bir ret shyǵatyn «Shuǵyla» ádebı jýrnalynyń 67 jyldyq tarıhy bar. Basylymnyń alǵashqy sany 1953 jyly jaryq kórgen. Al eki aıda bir ret shyǵatyn «Mura» jýrnalynyń oqyrmanmen júzdeskenine bıyl 37 jyl tolyp otyr. Keńes barysynda «Shuǵyla» jýrnalynyń orynbasar bas redaktory Mádenıet Muqataıuly, «Mura» jýrnalynyń orynbasar bas redaktory Aqan Kármenuly, Beıjińnen shyǵatyn «Ulttar ádebıeti» jýrnaly qazaqsha basylymynyń bas redaktory Mınar Nurlazatqyzy óz basylymdarynyń qazirgi tynys-tirshilgi týraly baıandama jasady», - dep jazady CNR.

Qazaqstannyń «Áziret Sultan» meshitinde «Beıbitshilik pen bitim» ortalyǵy ashyldy - «Fars» aqparat agenttigi

Qazaqstan musylmandary Dinı basqarmasynyń basshysy orynbasarynyń bastamasymen Nur-Sultandaǵy «Áziret Sultan» meshitinde «Beıbitshilik pen bitim» ortalyǵy ashyldy, dep habarlaıdy parstoday aqparat agenttigi.

«Naýryzbaı qajynyń bastamasymen, «Áziret Sultan» meshitiniń bas múftıiniń orynbasary Marat Bektazınov men Nur-Sultan qalasy sotynyń azamattyq ister jónindegi basshysy Qýanyshbaı Áljikov memorandýmǵa qol qoıdy. Memorandýmǵa sáıkes taraptar azamattyq qaıshylyqtardy sheshý salasynda áriptestik jasaıtyn bolady. Yntymaqtastyq memorandýmy aıasynda «Áziret Sultan» meshitiniń qyzmetkerleri sottan buryn ispen tanysýdy qoldap, januıanyń birligin saqtaýǵa talpynyp, konsýltatsııalyq qyzmetter atqarady. Sol sebepti basty meshittiń «Beıbitshilik pen bitim» ortalyǵynda bilikti dinbasy taǵaıyndaldy. Bul ortalyq januıalyq máselelerdi sheshýmen aınalysyp, qıyndyqtardy joıýǵa talpynys jasaıdy», - dep jazady parstoday.

Mádiǵaıym Nuq kir kóterýden jeke rekordyn jańalady - kaznews.mn

RF-nyń Ýlan-Ýde qalasynda ótken kir tasyn kóterýden Sergeı Leonov atyndaǵy VI búkil reseılik týrnırde Mádiǵaıym Nuq óziniń jeke rekordyn jańalady, dep habarlaıdy Mońǵolııanyń KAZNEWS aqparattyq portaly.

«Atalǵan týrnırde 17 oblystan 500 ge jýyq sportshy baq synady. Sondaı-aq, Mońǵolııadan 5 sportshy qatysty. Atalmysh jarysqa Mońǵolııa quramasyndaǵy Mádiǵaıym Nuq 85 keli salmaqta óner kórsetip 5-oryn ıelenip, 32kg+32kg gır tasyn kóterý arqyly óziniń jeke rekordyn jańartty. Esterińizge salsaq, Mádiǵaıym Nuq gır sportynan Álem kýbogynan 2 qola medal alsa, 2015, 2016 jylǵy álem chempıonatynda 7-oryn, 2017 jyly sambo kúresinen el chempıonatynyń jáne qazaq kúresinen azııa chempıonatynyń qola júldegeri atanǵan», - dep jazady kaznews.mn.

Nur-Sultanda kóne túrki jazýynyń qupııasy ashylǵan kún atap ótildi -TRT

Qazaqstannyń elordasy Nur-Sultan qalasynda kóne túrki jazýynyń qupııasy ashylǵan kúnniń 126 jyldyǵy atap ótildi, dep jazady Túrkııa Radıo Televızııa portaly.

«Uly Budun» qoǵamy tarapynan Qazaqstan Respýblıkasy Ulttyq murajaıynda bolǵan sharada kóne túrki jazýyna baılanysty fılm kórsetildi. Qatysýshylarǵa jazý tarıhy jóninde málimet berildi. «Uly Budun» qoǵamynyń tóraıymy Merýert Qurmanǵalıeva kóne túrki jazýy alǵash ret álemge pash etilgen 25 qarasha kúniniń Túrik Respýblıkalarynda toılanýyn qalaıtyndaryn tilge tıek etip: «Kelesi jyly osyndaı sharalar búkil túrki elderinde ótkiziledi dep oılaımyz» dedi. Elordadaǵy sharaǵa túrkologtar, ǵalymdar, qazaq, qyrǵyz, noǵaı, túrikmen, altaı, uıǵyr, gagaýyz, tatar, hakas jáne basqa da túrki halyqtarynyń ókilderi qatysty», - dep jazady TRT.

Tashkentte «Shymkent – shyraıly shaharym!» atty mádenıet kúni ótti - «ÓzA» aqparattyq agenttigi

Qazaqstannyń Shymkent qalasy ákiminiń orynbasary Qaırat Nurtaı bastaǵan delegatsııa quramy Tashkent qalasynda Ózbekstandaǵy «Qazaqstan jyly» aıasynda «Shymkent – shyraıly shaharym!» atty mádenı is-shara ótkizdi, dep jazady Ózbekstannyń «ÓzA» memlekettik aqparattyq agenttigi.

«Álisher Naýaı atyndaǵy Ulttyq kitaphanadan bastalǵan sharada, Qaldybek Qurmanáli, Áselhan Qalybekova, Amanhan Álim, Qasymhan Begman, Bekjan Áshirbaev, Kópen Ámirbek, Karıma Oralova, Aqmaral Leýbaeva sekildi óner qaıratkerleri men aqyndar shyǵarmalarymen bólisti. Sonymen birge Ózbek ulttyq akamedııalyq drama teatrynda Shymkent qalasy ónerpazdarynyń «Shymkentten – shashý» atty gala-kontserti ótti. Onda Shymkent qalalyq mádenıet úıiniń ult aspaptar orkestri, «Qazyna», «Shattyq» bı ansamblderiniń daıyndaǵan horeografııalyq kompozıtsııalary jáne qazaq estrada juldyzdary Zattybek Kópbosynuly, Shahızada Baıpatshanova, Qazaqstannyń eńbek sińirgen ártisi Aqjol Meıirbekov, Ózbekstan men Qazaqstannyń halyq ártisi Farrýh Zakırov án súıer qaýymǵa umytylmastaı merekelik kóńil-kúı syılady», - dep jazady «ÓzA».


Bizdiń kanalymyzǵa jazylyńyz:

Basty sózder: Qandastar, BAQ,
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT