+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Qandala shyqqan mektep dırektory jumystan ketti -Aqtaý

2019 jylǵy 21 qarasha 20:05
Bólisińiz:
Qandala shyqqan mektep dırektory jumystan ketti -Aqtaý

AQTAÝ. QazAqparat – Aqtaýdaǵy №6 mekteptiń oqýshylaryn qandala shaqty degen shý shyǵyp, keıbir ata-analar dereý mektepti jaýyp, dezınfektsııa jasaýdy talap etedi. Al, mektep basshylyǵy men sanıtar mamandar atalǵan derekti joqqa shyǵaryp otyr, dep habarlaıdy QazAqparat tilshisi.

Uqsas jańalyqtar
Qyzylordada bes jastaǵy balany qaǵyp óltirgen kólik júrgizýshisi sottaldy Temirjolshylar Almaty-Petropavl poıyzyn der kezinde toqtatyp, apattyń aldyn aldy BQO-da qyz bala ózine-ózi qol jumsady

Mektepte jaǵdaı birqalypty. Balalar ýaqtyly kelip, kúndegishe sabaǵyna baryp júr. Osylaı degen muǵalimder eshqandaı qandalanyń bolmaǵanyn aıtty. 8-synyp oqýshysynyń ata-anasy da bul pikirge qosylady. Aıtýynsha, uly oqıtyn synyp tynysh deıdi.

«Mektepke qatysty aıtar shaǵymym joq. Tap-taza. Muǵalimderi de myqty. Ózimniń balam osy mektepte 1-synyptan beri oqıdy. Qandala shyqqandyǵyn keıbir synyptyń ata-analarynan estidim»,-deıdi ata-ana Elena elkanova.

Elena elkanovanyń aıtýynsha 9 «D» synybynda oqıtyn oqýshynyń ata-anasy shaǵymdanǵan kórinedi. Osylaısha, atalǵan synyptyń oqýshylarymen tildesýdi jón kórdik.

«Men juma kúni sabaqta dosymmen birge otyrdym. Ol kenetten qolyn birdeńe shaǵyp alǵanyn aıtty. Dereý óltirip tastadyq. Qasymyzdaǵy oqýshy qyz ǵalamtordan qarap, onyń qandala ekenin aıtty. Muǵalimge aıttyq. Ol nazar aýdarmady. Ári qaraı úıge tarap kettik»,-deıdi 9 synyp oqýshysy.

«Bárimiz sol kúni kórdik. Sýretke túsirip aldyq. Keshke bireý ata-anasyna aıtqan bolý kerek. Vatsaptaǵy ata-analar chatynda bári talqylap, 10-nan astam ata-ana shaǵymdanǵan»,-deıdi 9 synyp oqýshysy.

Al, sanıtarlyq mamandar jándiktiń balalarmen birge úıinen erip kelýi múmkin,-deıdi. Arnaıy júrgizilgen tekseris kezinde qandala qory anyqtalmapty. Eger qansorǵyshtyń uıasy bolsa, birden kóbeıip, 3-4 kúnde 300-ge jýyq jumyrtqa tastaıdy eken.

«Eshqandaı da izderin, jumyrtqalaryn tappadyq. Bul kóbine úılerde, tósek-kórpede bolady. Synypty teksergende izderin baıqamadym»,- deıdi «Eko sıtı» kompanııasynyń mamany Baqtybaı Hýdııarov.

«Anyqtalǵan joq. Qandala anyqtalǵan jaǵdaıda shaqqan oqýshy emhanada tirkelýi kerek edi. Ondaı bolǵan joq. Qandalanyń bar-joqtyǵyn, dızenfektsııany qandaı preparattarmen jasaǵandyǵyn, normaǵa saı ma, sony qaradyq»,-deıdi Aqtaý qalalyq qoǵamdyq densaýlyq saqtaý basqarmasy bólimniń jetekshi mamany Janar Lepesqyzy.

Osy jaǵdaıdan keıin mektep dırektory jumysynan ketti. Bilim basqarmasynyń mamandary basshynyń kenetten qyzmetin bosatylýyna bul oqıǵa sebep bolǵan joq deıdi.

«Qazirgi tańda mektep qalypty jaǵdaıǵa túsken. Alaıda, búgingi kúni basshynyń óz erkimen jumystan ketýine baılanysty 10 jyldan beri oqý ádistemelik orynbasaryn ornyna qoıdyq. Qamqorshylyq keńesi men ata-analar komıteti jınalyp, óz betterimen tekserý júrgizdi. Tapqan joq»,-deıdi Aqtaý qalalyq bilim bóliminiń basshysynyń mindetin atqarýshy Baǵdat Turǵanbaeva.

Endi ata-analardyń ótinishi boıynsha senbi, jeksenbi kúni dezınfektsııa jasalmaq.



Bizdiń kanalymyzǵa jazylyńyz:

Basty sózder: Mańǵystaý oblysy, Bilim, Oqıǵa,
Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT