Qanatbek Jaısańbaev Prezıdent kómekshisi, bólim meńgerýshisi bolyp taǵaıyndaldy

2022 jylǵy 9 jeltoqsan, 09:07
Qanatbek Jaısańbaev Prezıdent kómekshisi, bólim meńgerýshisi bolyp taǵaıyndaldy

ASTANA. QazAqparat - Qanatbek Jaısańbaev Prezıdent kómekshisi – Prezıdent Ákimshiliginiń Ótinishterdi qaraýdy baqylaý bóliminiń meńgerýshisi bolyp taǵaıyndaldy, dep habarlaıdy QazAqparat Aqordaǵa silteme jasap.

«Qanatbek Baqytuly Jaısańbaev Qazaqstan Respýblıkasy Prezıdentiniń kómekshisi – Qazaqstan Respýblıkasy Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi bolyp taǵaıyndalsyn, ol Qazaqstan Respýblıkasy Prezıdentiniń Ákimshiligi Memlekettik baqylaý jáne aýmaqtyq-uıymdastyrý jumysy bóliminiń meńgerýshisi laýazymynan bosatylsyn», - delingen Memleket basshysy Qasym-Jomart Toqaevtyń Jarlyǵynda.

Q.Toqaevtiń taǵy bir Jarlyǵymen Prezıdent Ákimshiligi Memlekettik baqylaý jáne aýmaqtyq-uıymdastyrý jumysy bóliminiń meńgerýshisi qyzmetine Ǵabıdýlla Abdýllauly Ospanqulov taǵaıyndaldy.

Qanatbek Baqytuly Jaısanbaev 1980 jyly dúnıege kelgen. Qyzylorda qalasynda týǵan. 2000 jyly Qazaq memlekettik zań akademııasyn «zańger», 2012 jyly T.Rysqulov atyndaǵy qazaq ekonomıkalyq ýnıversıtetin «ekonomıst» mamandyǵymen támamdaǵan.

Eńbek joly: Qazaq memlekettik zań akademııasynyń Qyzylorda fılıalynda (2000-2001), Qyzylorda oblystyq ákimshilik sotynyń bas mamany (08.2001-09.2001), Qyzylorda oblysy ákimi apparatynyń mamany, bas ınspektory, memlekettik-quqyqtyq jumys bóliminiń meńgerýshisi (2001-2005), Qazaqstan Respýblıkasy Tótenshe jaǵdaılar mınıstrligi Quqyqtyq qamtamasyz etý basqarmasynyń bastyǵy (2005-2007), «Kazakh Integrated Services» JShS jáne «CNRG Capital» JShS zańgeri (2007-2008), Qyzylorda oblysy ákimi apparaty basshysynyń orynbasary (2008-2010), Qyzylorda oblysy ákimi apparatynyń basshysy (2010-2016), Prezıdent Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory, Іshki saıasat bólimi meńgerýshisiniń orynbasary (2016-2021) qyzmetterin atqardy.

2021 jyldyń sáýirinen Prezıdent Ákimshiligi Memlekettik baqylaý jáne aýmaqtyq-uıymdastyrý jumysy bóliminiń meńgerýshisi boldy.


Foto: akorda.kz


Uqsas jańalyqtar
Seriktester jańalyqtary

Jańalyqtar