Qanat Taımerdenov Іshki ister mınıstrliginiń ortalyq apparatyna qyzmetke aýysty
2022 jylǵy 25 maýsym 19:27

Qanat Taımerdenov Іshki ister mınıstrliginiń ortalyq apparatyna qyzmetke aýysty

NUR-SULTAN. QazAqparat – QR Іshki ister mınıstrligi Qanat Taımerdenovtiń basqa qyzmetke aýysqanyn rastady, dep habarlaıdy QazAqparat tilshisi.

«Qanat Taımerdenov Іshki ister mınıstrliginiń Ortalyq apparatyna laýazymdy qyzmetke aýystyrylyp jatyr», - dep naqtylady atalǵan vedomstvonyń baspasóz qyzmeti QazAqparatqa bergen málimetinde.

Aıta keteıik, búgin buqaralyq aqparat quraldarynda Q. Taımerdenov Almaty qalalyq polıtsııa departamentiniń bastyǵy qyzmetinen bosatylǵany jóninde aqparat taraǵan bolatyn.

Ol 2020 jyldyń qańtar aıynda atalǵan departamenttiń bastyǵy bolyp taǵaıyndalǵan edi.

Qanat Danııaruly Taımerdenov Almaty oblysy Jambyl aýdany Úńgirtas aýylynda 1974 jyly 7 qarashada dúnıege kelgen.

Mektep bitirgennen keıin Taldyqorǵan qalasynda ornalasqan zań tehnıkýmyna oqýǵa tústi, ony 1994 jyly aıaqtady. 2004 jyly QR ІІM Akademııasyn magıstr dárejesimen támamdady.

30.06.1994 - 05.01.1995 Qaskeleń qalalyq ákimshiliginiń polıtsııaǵa kómek kórsetý tobynyń múshesi;

05.01.1995 - 25.12.1995 Almaty oblysy Qaskeleń aýdany OÝR ІІB 2-shi bólimniń jedel ýákili;

18.09.2009 - 12.10.2012 Almaty qalalyq Іshki ister departamenti Jetisý aýdandyq Іshki ister basqarmasynyń basshysy;

12.10.2012 - 22.12.2017 Almaty qalalyq Іshki ister departamenti basshysynyń orynbasary;

22.12.2017 - 08.11.2018 Mańǵystaý oblysy ІІD basshysy;

08.11.2018 - 29.01.2020 Mańǵystaý oblysy Polıtsııa departamentiniń basshysy.

Seriktester jańalyqtary

Jańalyqtar

Úrdis

MURAǴAT