+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Kanar araldarynda atqylaǵan janartaýǵa baılanysty 5 myń adam evakýatsııalandy

2021 jylǵy 20 qyrkúıek 12:39
Bólisińiz:
Kanar araldarynda atqylaǵan janartaýǵa baılanysty 5 myń adam evakýatsııalandy

NUR-SULTAN. QazAqparat – Kanar araldary janartaýdyń atqylaý saldarynan lava aýaǵa kóterilip, araldyń ońtústigindegi eki aýylyna qaraı baǵyt aldy, dep habarlaıdy QazAqparat Reuters-ke silteme jasap.

Uqsas jańalyqtar
Koronavırýs: Ózbekstanda jyl sońyna deıin turǵyndardyń 80 paıyzy vaktsınalanady Grýzııa týrısterdi qysqy kýrorttarǵa qabyldaýǵa daıyn Eýropalyq Keńes: Eýroodaqtyń  keı elderinde COVID-19 vırýsyna qatysty jaǵdaı óte kúrdeli

Aral úkimetiniń derekterine saı, bılik Kabesa-de-Vaktyń halyq sırek qonystanǵan orman betkeıindegi aýyldardan, sonymen qatar El Paso men Los-Lıanos-de-Arıdaneden turǵyndar men maldy evakýatsııalaýdy bastady
Bul jerde sońǵy ret janartaý 1971 jyly atqylaǵan. Kanar araldarynyń prezıdenti Anhel Vıktor Torres jeksenbi kúni keshke ótken baspasóz máslıhatynda 5 000 adamnyń evakýatsııalanǵany týraly málimdedi. Qurbandar týraly derekter joq.
«Qazirgi kezde lava jaǵalaýǵa qaraı jyljýda, onyń zardaby eleýli bolmaq. Sarapshylardyń baǵalaýy boıynsha, ol jerde 17-20 mıllıon tekshe metr lava bar», - dedi ol. Kanar araldaryna jáne keri qaraı ushý shtattyq rejımde júzege asyrylýda.
Ispanııanyń premer-mınıstri Pedro Sanches Palma aralyna jeksenbi kúni keshke jetken.
Ispanııanyń geografııa ınstıtýtynyń janartaýtaný doktory Stavros Meletlıdıs atqylaý saldarynan beles betkeıinde bes jaryq paıda bolǵanyn aıtty. Janartaý atqylaýynyń qashanǵa deıin sozylatyny belgisiz.
Ótken aptada Kýmbre-Veha saıabaǵynda 22 000 jerasty dúmpýi tirkelgen. Bul Kanar araldarynyń janartaý atqylaýy boıynsha eń belsendi óńirleriniń biri. Sońǵy atqylaý 1971 jyly bolǵan. Ol kezde janartaý atqylaýy saldarynan bir adam qaza tapqan.
Ispanııanyń geografııa ınstıtýtynyń (ING) derekteri boıynsha, Palma aralynda tirkelgen eń erte atqylaý 1430 jyly tirkelgen.
Eske sala keteıik, jeksenbiden dúısenbige qaraǵan túni Ispanııanyń Palma aralynda (Kanar araldary avtonomdy qaýymdastyǵy) terbelisi tómen birneshe jer silkinisinen keıin janartaý oıandy.


Bizdiń kanalymyzǵa jazylyńyz:

#Eýropa   #Álem  
Bólisińiz:

Avtor:

Bıbihan Serikova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT