+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Kanadalyq kompanııa Aqtóbeniń joldaryn jóndeýge usynys bildirdi

2019 jylǵy 10 qazan 23:07
Bólisińiz:
Kanadalyq kompanııa Aqtóbeniń joldaryn jóndeýge usynys bildirdi

AQTÓBE. QazAqparat – Aqtóbede jol jóndeý salasyna jańa ınnovatsııa engizý jóninde aýqymdy jıyn ótti. Bul týraly oblys ákiminiń baspasóz qyzmetine silteme jasap QazAqparat tilshisi habarlaıdy.

Uqsas jańalyqtar
Jol jaǵdaıyn baqylaýǵa arnalǵan qosymsha 2020 jyly iske qosylady Avtojoldarda kóktaıǵaqty boldyrmaýdyń jańa tásilderi engizilmek SQO ákimi joldardy jóndeýge beriletin kepildikti 5 jylǵa deıin uzartýdy usyndy

Oblys ákimi Ońdasyn Orazalınniń qatysýymen Qobda aýdanynda jıyn ótti. Oǵan oblystyq avtomobıl joldary jáne jolaýshylar kóligi basqarmasynyń basshysy, óńirdegi 20-dan astam merdiger kompanııa basshylary jáne kanadalyq «CanRos GRP Inc» ınnovatsııalyq materıaldar kompanııasynyń prezıdenti ıÝrıı Tarasov pen «Cypher Environmental» óndirýshi kompanııasynyń bas ınjeneri Djeımı Gladen, Aqtóbe oblysy jol salasy, jol aktıvteri sapasynyń ulttyq ortalyǵy, Qazaqstandyq jol ǵylymı-zertteý ınstıtýtynyń mamandary qatysty. «Bizdiń aldymyzda 2025 jylǵa deıin jaqsy jáne qanaǵattanarlyq jol sapasynyń kólemin 95% nemese 4,7 myń shaqyrymǵa jetkizý maqsaty tur. Jyl saıyn oblystyq, aýdandyq mańyzy bar 500 shaqyrym jol jóndelýi tıis bolǵanymen, bıýdjetten bólinetin qarjy 300 shaqyrym joldy jóndeýge múmkindik beredi «,- dep atap ótti aımaq basshysy. Jol jóndeýge jumsalatyn qarjyny únemdep ári sapaly tóseýge kanadalyq «CanRos GRP Inc» kompanııasy nıet bildirip otyr. Osy jyldyń qyrkúıek aıynda «Shubarqudyq-Oıyl-Qobda-Sol-Iletsk» baǵytyndaǵy joldyń 3 shaqyrymyn óz qarajattaryna saraptamalyq jóndeýden ótkizýdi bastaǵan. Avtomobıl joldary jáne jolaýshylar kóligi basqarmasynyń basshysy Málimbet Ibrashevtyń sózinshe, kanadalyq kompanııa ónimin Qazaqstan terrıtorııasynda satýǵa ruqsat alyp, saraptama jumysy maquldansa, Aqtóbe joldaryn jóndeýmen aınalysýy múmkin. Sheteldik kompanııa basshysy ıÝrıı Tarasov kásiporynnyń jumysyn tanystyrdy. Kóptegen elderde jóndeý jumystaryn júrgizgenin atap ótti. Bıýdjet qarjysyn únemdeýge ýáde bergen kompanııa jol jóndeýde qıyrshyq tasty paıdalanbaıdy. Bul tásil shalǵaı aýyldarǵa tas jetkizý, jóndeý jumystaryn jeńildetpek. Máselen, bir shaqyrym joldy jóndeýge ádette 40 mln teńge jumsalsa, kanadalyq kásiporynnyń tásilin qoldanǵan jaǵdaıda 28 mln teńge jaratylady. Aıta keteıik, oblysta jergilikti mańyzy bar avtomobıl joldarynyń uzyndyǵy 5 myń km quraıdy. Onyń ishinde tek 2,6 myń shaqyrymy nemese 53% jaqsy jáne qanaǵattanarlyq jaǵdaıda.



Bizdiń kanalymyzǵa jazylyńyz:

Basty sózder: Aqtóbe oblysy, Qurylys, Kólik, Ákimdik,
Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT