+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Qamqorlyq: Túrkistan oblysynda muqtaj otbasylarǵa jan-jaqty qoldaý kórsetilip otyr

2020 jylǵy 19 aqpan 17:34
Bólisińiz:
Qamqorlyq: Túrkistan oblysynda muqtaj otbasylarǵa jan-jaqty qoldaý kórsetilip otyr

TÚRKІSTAN. QazAqparat – Túrkistan oblysynda «Qamqorlyq» jobasy aıasynda muqtaj otbasylarǵa jan-jaqty qoldaý kórsetilýde. Azyq-túlik sebetteri taratylyp, birqatar otbasy músheleri jumysqa tartylýda, dep habarlaıdy QazAqparat tilshisi.

Túlkibas aýdanynda «Qamqorlyq» jobasy aıasynda muqtaj dep tanylǵan 93 otbasyǵa jan-jaqty qamqorlyq kórsetý arqyly kedeıshilik sheginen shyǵarý sharalary júıeli túrde iske asýda. Bul sharalarǵa jomart jandar da atsalysyp, olardyń qatary kún sanap artyp keledi.

Aýdanda jaǵdaıy óte tómen otbasylarǵa búgingi kúnge deıin «Ferrým Konstrakshn» JShS, «Gramad» gıpermarketi jáne «Madına» makaron fabrıkasynyń demeýshiligimen azyq-túlik taratylyp berildi. Sondaı-aq, aýdandyq máslıhat depýtattary, aýdan kásipkerleri, okrýg ákimderi men mekeme basshylary tarapynan da qoldaý tabýda.

Aldaǵy ýaqytta 93 otbasynyń ishinen turǵyn úıge asa muqtaj otbasyny anyqtap, olarǵa aýdandyq Abaı atyndaǵy mektep-lıtseıiniń 2000 jylǵy túlekteri úıdiń kiltin tabystaýdy kózdep otyr.

Budan bólek, aýdandyq «Meıirim» eriktiler toby da «Hareket» qorymen birigip, «1000 teńgege- baspana» jobasy arqyly úıge muqtaj jandarǵa úı syılaýdy josparlaýda. Qaıyrymdylyq sharalardan bólek, aýdan ákimdigi tarapynan ár otbasylardaǵy azamattardy jumyspen qamtý jáne óz kásibin ashýǵa qoldaý baǵytyndaǵy jumystar jandanýda.

Al, Saryaǵash aýdanynda jergilikti bılik ókilderi turmysy tómen otbasylardyń jaǵdaılarymen tanysýda. Aýdan ákimi, «Nur Otan» partııasy Saryaǵash aýdandyq fılıalynyń tóraǵasy Muhıt Otarshıev Jibek joly aýyldyq okrýgindegi az qamtylǵan turǵynnyń úıine arnaıy baryp, kezdesip qaıtty.

Aýdan basshysy aýyldaǵy kásipkerlerdi tarta otyryp, qajetti azyq-túlikpen qamtý, qaıta oqý kýrstaryna joldama berý, áleýmettik kómek kórsetý syndy máseleler boıynsha turaqty kómek kórsetilip turatynyn jetkizdi.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT