Qamaýda otyrǵan Qaırat Boranbaevtyń týysy Agenttiktiń 2 qyzmetkerine para bergen

2022 jylǵy 30 qarasha, 19:36
Qamaýda otyrǵan Qaırat Boranbaevtyń týysy Agenttiktiń 2 qyzmetkerine para bergen

ASTANA. QazAqparat – Qamaýda otyrǵan Qaırat Boranbaevtyń týysy A. Boranbaev Qarjylyq monıtorıng agenttiginiń jekelegen qyzmetkerlerine para bergen. Bul týraly QazAqparat atalǵan Agenttikke silteme jasap habarlaıdy.

«Qarjylyq monıtorıng agenttiginiń jekelegen qyzmetkerlerine qatysty sybaılas jemqorlyq jasaý faktisi anyqtaldy. Máselen, tergeýmen qamaýǵa alynǵan Q.S. Boranbaevtyń týysy – A.T. Boranbaevtyń jedel bólimshelerdiń jekelegen qyzmetkerlerine zańsyz syıaqy berý faktisi áshkerelendi. Sot A.T. Boranbaevqa jáne eki qyzmetkerge qatysty qamaýda ustaý túrindegi bultartpaý sharasyna sanktsııa berdi», - delingen Agenttik habarlamasynda.

Qazirgi ýaqytta sotqa deıingi tergeý júrgizilýde.

Esterińizge sala keteıik, Qarjylyq monıtorıng agenttigi Qaırat Boranbaevtyń ústinen kvazımemlekettik sektorda asa iri kólemde qarajat jymqyrý faktisimen is qozǵap, ızolıatorǵa qamaǵan bolatyn.

Qazirgi ýaqytta iri mólsherde, onyń ishinde shetelde qylmystyq kiristi zańdastyrý belgileri bar neǵurlym rezonanstyq isterdi tergep-tekserý erekshe baqylaýda.


Uqsas jańalyqtar
Seriktester jańalyqtary

Jańalyqtar