+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Qalypty ómirge oralý: Shekteý sharalary jeńildetilgennen keıin nege ruqsat beriledi

2020 jylǵy 14 tamyz 11:44
Bólisińiz:
Qalypty ómirge oralý: Shekteý sharalary jeńildetilgennen keıin nege ruqsat beriledi

NUR-SULTAN. QazAqparat - Elimizde 5 aptaǵa sozylǵan qatań karantın sharalary jemisin berip, koronavırýs indetiniń taralý kórsetkishi aıtarlyqtaı tómendedi. Medıtsına qyzmetkerlerine de júkteme eselep azaıyp, osy ýaqytqa deıin esigi tars jabyq bolǵan emhanalar men aýrýhanalar naýqastardy qalypty rejımde qabyldaý jumystaryna kirisip te jatyr.

Uqsas jańalyqtar
Almatyda telemedıtsına ortalyǵy koronavırýs juqtyrǵan naýqastarǵa táýlik boıy kómek kórsetedi Koronavırýs: Nur-Sultanmen qatar 6 oblys áli de «qyzyl» aımaqta tur Qazaqstanda koronavırýstan emdelip jatqan 50 adamnyń jaǵdaıy óte aýyr

Osyǵan baılanysty kúni keshe QR Premer-Mınıstri Asqar Mamınniń tóraǵalyǵymen ótken memlekettik komıssııa otyrysynda qalyptasqan epıdemıologııalyq jaǵdaıdy eskere otyryp, karantın sharalaryn kezeń-kezeńimen alyp tastaý jospary qaralǵan bolatyn.

Sonymen osy aıdyń 17 tamyzynan bastap barlyq óńirde saýda oıyn-saýyq ortalyqtary, saýda jelileri, jabyq bazarlar, sán salondary, shashtaraz, SPA ortalyqtar, kosmetologııalyq qyzmet kórsetetin kásipkerlik sýbektileriniń qyzmeti jandanady. Basseıni joq fıtnes ortalyqtar, basseıni joq monshalar men saýnalar, bilim berý ortalyqtary, mektepke deıingi balalar mekemeleriniń kezekshi toptary, ashyq aýadaǵy attraktsıondar jumysyn bastaıdy. Biraq, bul atalǵan sýbektilerdiń barlyǵy da meılinshe jartylaı qýattylyqpen jumys istegeni durys. Tutynýshylardy toptap qabyldaýǵa bolmaıdy. Sonymen qatar, jumys berýshiler úshin qyzmetkerlerdiń 80 paıyz qashyqtan eńbek etý erejesin saqtaýy usynylady.

Bul rette karantın sharalary alynyp tastaldy dep erkinsýge bolmaıdy. Sanıtarlyq-epıdemıologııalyq talaptardy qatań saqtap, maska taǵý, qoldy únemi sabyndap jýý, antıseptık paıdalaný, qoǵamdyq oryndarda ara qashyqtyq ustaný qajet. Óıtkeni, alda koronavırýstyń ekinshi tolqyny júrý qaýpi joǵary.

«Karantınniń jeńildetilýmen qatar belgili bir qaýipterdiń kúrdelene túsýi qatar júredi. Koronavırýsqa qatysty bul qaýipter memlekettik qurylymǵa ne bolmasa aýrýhanalardaǵy tósek-orynǵa emes, adamnyń mentalıtetine, adamdardyń baıyppen nemese júrdim-bardym qaraýyna, elimizde týyndaǵan ortaq problemaǵa adamı birige bilýine baılanysty. Dál osy deńgeıde, koronavırýsqa qatysty qazirgi jaǵdaıda bul úlken qaýip týyndaıdy. Іndet juqtyryp, ózgelerge taratpaý úshin ózińe, ózińdi qorshaǵan ortaǵa jaýapkershilikpen qaraǵan jón. Koronavırýs indetiniń ekinshi tolqynynan qalaı ótetindigimiz ózimizge jáne tártibimizge, is-áreketterimizge baılanysty», - degen edi Májilis depýtaty Pavel Kazantsev.

Jumys kúnderi karantındik sharalar jeńildegenmen, demalys kúnderi karantın tártibi qatań saqtalady. 65 jastan asqan azamattardyń kóshege shyǵýy shekteledi. Qoǵamdyq kólikterdiń qozǵalysy toqtaıdy jáne demalys kúnderi jumysqa barýǵa tyıym salynady. Bul da koronavırýs indetiniń taralýyna jol bermeý úshin jasalyp otyrǵan májbúrli shara desek te bolady. Degenmen, senbi-jeksenbide azyq-túlik dúkenderi men dárihanalar jumysyn jalǵastyra beredi.

Al oıyn-saýyq, sport, otbasylyq, estelik, saltanatty jáne basqa da buqaralyq is-sharalardy ótkizýge, barlardyń, túngi jáne oıyn klýbtarynyń, karaoke, fýdkort, kınoteatrlardyń jáne balalar men eresekterge arnalǵan basqa da oıyn-saýyq oryndarynyń jumysyna, mádenıet nysandarynyń, mýzeılerdiń qyzmetine, konferentsııalar, kórmeler, forýmdar ótkizýge; basseınder, qalalyq jáne qoǵamdyq jaǵajaılar, ashyq akvaparkterdiń, dinı nysandardyń jumysyna tyıym bar.

Qazaqstannyń strategııalyq zertteýler ınstıtýty dırektorynyń orynbasary Sanat Kóshkimbaevta karantın sharalardy jeńildetilgenmen maska taǵý, áleýmettik araqashyqtyq ustaný, antıseptıkterdi paıdalaný, qoldy jıi jýý sııaqty saqtyq sharalaryn árbir adam ustanýy tıistigin basa aıtady.

«Shyndyǵyna kelgende, munyń barlyǵy eń aldymen adamnyń ózine baılanysty jaıt. Máselen, adam sany óte kóp Qytaıdyń ózinde aýrýǵa shaldyqqandar sanynyń qansha paıyz bolǵanyn jáne saldary qandaı ekendigin kórip otyrmyz. Ońtústik Koreıa, Vetnam elderiniń de turǵyndary ustanymdyq tanytýdyń joǵary deńgeıin kórsetýde. Bul óte mańyzdy», - dedi ınstıtýt dırektorynyń orynbasary.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
Sondaı-aq... oqyńyz
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT