Qalyń qar men qatty boran: Túrkistan oblysynda avtojoldar jabyldy
2022 jylǵy 29 qańtar 14:48

Qalyń qar men qatty boran: Túrkistan oblysynda avtojoldar jabyldy

TÚRKІSTAN. QazAqparat - Qalyń qar men qatty borannan Túrkistan oblysynda jekelegen joldar jabyldy, dep habarlaıdy QazAqparat tilshisi.

«Búgin tańǵy saǵat 10.00-den bastap Sozaq pen Saýran aýdanynda aýa raıynyń nasharlaýyna baılanysty (burqasyn, boran, qar, joldyń nashar kórinýi) oblystyq mańyzy bar KH-56 avtojolynyń 40-124 km ýchaskesindegi «Jambyl oblysynyń shekarasy-Qumkent-Sholaqqorǵan-Aysaı-KH-190» bóligi kólik qozǵalysy úshin jabyldy.

Sondaı-aq aýa raıynyń nasharlaýynan (boran, burqasyn, kóktaıǵaq, joldy kórý múmkindiginiń múldem bolmaýy) Sozaq pen Báıdibek aýdanynda oblystyq mańyzy bar KH-2 avtojolynyń 577-642 km ýchaskesindegi «Ulanbel- Sozaq-Ekpindi», «Sholaqqorǵan-Shaıan» bóligi kóliktiń barlyq túri úshin jabyldy» - delingen Tótenshe jaǵdaılar departamenti taratqan habarlamada.

Aýa raıy tosyn minez tanytqan tusta azamattardyń amandyǵy men qaýipsizdigin qamtamasyz etý úshin Tótenshe jaǵdaılar departamenti men polıtsııa bóliminiń qyzmetkerleri aýdan joldaryna shyǵyp, turǵyndardy alys jolǵa shyqpaýǵa shaqyrýda.


Jańalyqtar

MURAǴAT