Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 379.19 EUR 426.63
RUB 5.92 CNY 56.54
Jańalyqtar

Qalmuhanbet Qasymov jańa qyzmetke taǵaıyndaldy

2019 jylǵy 12 aqpan 15:20 1364
Bólisińiz:
Qalmuhanbet Qasymov jańa qyzmetke taǵaıyndaldy

ASTANA. QazAqparat - Elbasy Nursultan Nazarbaevtyń Jarlyǵymen Qasymov Qalmuhanbet Nurmuhanbetuly Qazaqstan Respýblıkasy Prezıdentiniń kómekshisi - Qaýipsizdik Keńesiniń hatshysy bolyp taǵaıyndaldy. Bul týraly Aqordanyń baspasóz qyzmeti málim etti, dep habarlaıdy QazAqparat. 

«Ol Qazaqstan Respýblıkasynyń Іshki ister mınıstri qyzmetinen bosatylsyn», - delingen Memleket basshysynyń Jarlyǵynda. 

Qasymov Qalmuhanbet Nurmuhanbetuly

1957 jyly Almaty oblysy Іle aýdanynyń Dmıtrıevka aýlynda dúnıege kelgen. Bilimi joǵary, 1979 jyly S.Kırov atyndaǵy Qazaq memlekettik ýnıversıtetiniń zań fakýltetin bitirgen, mamandyǵy - zańger. Polıtsııa general-polkovnıgi.

1979 jyldan bastap - tergeýshi, aǵa tergeýshi, tergeý bóliminiń bastyǵy, Almaty oblysy ІІB Іle aýdandyq ishki ister bólimi bastyǵynyń orynbasary.

1988 jyldan bastap - Almaty oblysy ІІB-niń qoǵamdyq qaýipsizdik bólimi bastyǵynyń orynbasary.

1989 jyldan bastap - Almaty oblysy ІІB Qapshaǵaı ІІB-niń bastyǵy.

1992 jyldan bastap - Almaty oblysy ІІB Krımınaldyq mılıtsııa basqarmasynyń bastyǵy, Almaty oblysy ІІB bastyǵynyń birinshi orynbasary.

1997 jyldan bastap - Almaty qalasynyń ishki ister bas basqarmasynyń bastyǵy.

2003 jyldan bastap - Almaty oblysy ishki ister bas basqarmasynyń, Іshki ister departamentiniń bastyǵy.

2005 jyldan bastap - Qazaqstan Respýblıkasynyń Іshki ister mınıstriniń birinshi vıtse-mınıstri, vıtse-mınıstri.

2009 jyldan bastap - Shyǵys Qazaqstan oblysy Іshki ister departamentiniń bastyǵy.

2011 jyldyń sáýir aıynan bastap qazirgi ýaqytqa deıin - Qazaqstan Respýblıkasynyń Іshki ister mınıstri.

Memlekettik nagradalarmen nagradtalǵan:

ІІ dárejeli «Danq» ordenimen, «Astana» medalimen, «Ulttyq qaýipsizdikti qamtamasyz etýdegi úlesi úshin», «Quqyq tártibin qamtamasyz etýde úzdik shyqqany úshin», «Qazaqstan Konstıtýtsııasyna 10 jyl», «Qazaqstan Respýblıkasy ishki ister organdarynyń ardageri», «Qazaqstan Respýblıkasynyń Parlamentine 10 jyl» mereıtoılyq medaldarymen, «ІІM-niń eńbek sińirgen qyzmetkeri» tósbelgisimen marapattalǵan.

Úılengen, úsh balasy bar. 

 

 

 

 

 

 

Bizdiń kanalymyzǵa jazylyńyz:

Basty sózder: Taǵaıyndaý,
Bólisińiz:
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
MURAǴAT