+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Qalmuhanbet Qasymov Reseıdiń Qaýipsizdik keńesiniń hatshysy Nıkolaı Patrýshevpen kezdesti

2019 jylǵy 21 qarasha 18:18
Bólisińiz:
Qalmuhanbet Qasymov Reseıdiń Qaýipsizdik keńesiniń hatshysy Nıkolaı Patrýshevpen kezdesti

MÁSKEÝ. QazAqparat - Qazaqstan Respýblıkasy Prezıdentiniń kómekshisi – Qaýipsizdik keńesiniń hatshysy Qalmuhanbet Qasymov Reseıdiń Qaýipsizdik keńesiniń hatshysy Nıkolaı Patrýshevpen kezdesti, dep habarlaıdy QazAqparat Aqordaǵa silteme jasap.

Máskeý qalasynda Qazaqstan Respýblıkasy jáne Reseı Federatsııasy Qaýipsizdik keńesteri apparattary arasyndaǵy keńeıtilgen josparly konsýltatsııalar ótti.

Qazaqstan Respýblıkasy Prezıdentiniń kómekshisi – Qaýipsizdik keńesiniń hatshysy Qalmuhanbet Qasymovtyń jáne Reseı Federatsııasy Qaýipsizdik keńesiniń hatshysy Nıkolaı Patrýshevtiń tóraǵalyǵymen ótken kelissózder barysynda yntymaqtastyqtyń ózekti máseleleri talqylandy.


Taraptar sý qaýipsizdiginiń jaǵdaıyn jáne transshekaralyq sý resýrstarynyń ekojúıelerin saqtaý boıynsha sharalardy egjeı-tegjeıli qarady. Sonyń ishinde Jaıyq ózeniniń basseınin saýyqtyrý týraly birlesken jumys boıynsha pikir almasty.

Budan bólek kún tártibine álemde saýda-ekonomıkalyq tyıym salý jaǵdaıyndaǵy eki memlekettiń áskerı-tehnıkalyq yntymaqtastyqty kúsheıtý baǵyttary shyǵaryldy.

Sonymen qatar Qazaqstan men Reseı Qaýipsizdik keńesteriniń hatshylary álemdik jáne óńirlik qaýipsizdik salasyndaǵy qazirgi ahýal men áriptestiktiń damýdyń aldaǵy baǵyttary boıynsha pikirlerin bildirdi.

Jumys nátıjeleri boıynsha eki eldiń tıisti memlekettik organdaryna naqty tapsyrmalar berildi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT